:: قريبا ::

:: قريبا ::

:: قريبا ::

:: قريبا ::

:: قريبا ::


   
العودة   منتديات للحب لمسة > لمسه الابداعات الأدبيه > القصص & الخيال > لمسه الروايات الاسطوريه
   


إضافة رد
 
أدوات الموضوع انواع عرض الموضوع
قديم 11-15-2013, 09:37 AM   #1
شَـعـلـؤمـة ,!!


الصورة الرمزية ؤحَشتنئ سَؤآليفك,#
ؤحَشتنئ سَؤآليفك,# غير متواجد حالياً

بيانات اضافيه [ + ]
 رقم العضوية : 43220
 تاريخ التسجيل :  Nov 2013
 أخر زيارة : 08-28-2014 (04:51 AM)
 المشاركات : 44 [ + ]
 التقييم :  10
لوني المفضل : Cadetblue
Icon23 روايتي زمان يروح ويذبحني وأعاني من التعب والهم واقول الله يعؤضني



صباح الخير / مساء الخير

شلونكم

حبيبت انقلكم روايتي الاؤلى زمان يروح ويذبحني وأعاني من التعب والهم واقول الله يعؤضني
بقلم أنين القلب
روايه كويتيه رومانسيه قمة في ابدااع

واللي اهي انا حاليا ؤحَشتنئ سًؤآليفك,#


غيرت النك نيم من أنين القلب الي ؤحَشتنئ سَؤآليفك,#


اتمنى تحوز على رضاكم واعجابكم ...


 

 


التعديل الأخير تم بواسطة سيلا الشوق ; 11-15-2013 الساعة 09:35 PM

رد مع اقتباس
قديم 11-15-2013, 09:38 AM   #2
شَـعـلـؤمـة ,!!


الصورة الرمزية ؤحَشتنئ سَؤآليفك,#
ؤحَشتنئ سَؤآليفك,# غير متواجد حالياً

بيانات اضافيه [ + ]
 رقم العضوية : 43220
 تاريخ التسجيل :  Nov 2013
 أخر زيارة : 08-28-2014 (04:51 AM)
 المشاركات : 44 [ + ]
 التقييم :  10
لوني المفضل : Cadetblue
افتراضي




أنين القلب ..^ سابقاً وغيرته الي ؤحَشتنئ سَؤآليفك
ؤحَشتنئ سَؤآليفك اللقب الحالي
زمان يروح ويذبحني واعاني من التعب ووالهم ..واقول الله يعوضني"


البارت 1


شوق بطلة القصة :عمرها 18 سنه عيونها متوسطه وخشما صغير ووفمها صغير بيضاء شعرها اسود يوصل لي نهاية ظهرها
طولها 161 وزنها 61 يعني جسمها حلو (ملامحها عاديه مافيها شيء يجذب الشيء الوحيد اللي يبرزها شعرها وجسمها )
شخصيتها :ضعيفة شخصيه ماعندها ثقة بنفسسها وحساسه خجوله هاديه ماتسولف واجد او نقول ماتعرف تعبر او تسولف نتيجة قلت اختلاطها مع الناس وحيدة امها وابوها (وراح نعرف ليش ثقتها مهزوزه بنفسها وشنو السبب)
(كانت تعالج بطب نفسي لمدة 6 اشهر وتحسن حالها بتعرفون شنو سبب ؟؟؟ تابعوا القصه )


ام شوق :شيخه عمرها 49 سنه موظفة بوزارة الداخليه تهمها المظاهر وراح نعرف شخصيتها برواية
ابو شوق : سالم عمره 56 موظف بوزارة النفط وعنده اسهم بالبورصه ويشتغل فيهم ورجل مادي حيل
راح نعرف علاقتهم بنتهم شلون ؟؟!!!!
المكان :شاليهات خيران
6 المغرب
كانوا قاعدين علا الكراسي وقهوه والجاي والحلا على الطاوله
شيخه : يمه هيا صبيلي بيالة جاي
هيا : ان شاءالله خالتي
منيرة : ياحلات الجو يهبل ( وتستشق الهواء البحر)
شيخه : اي والله صاجه
حصه : انا لو بكيفي جان خليت بيتي قبال البحر ياحلاته يرد الروح
شيخه : ههههه وهذا وانتي كل خميس بشاليه تقولين جذي انا ومنيرة شنقول اجل
حصه : ويــه مالي شغل فيكم انا انتواحاكرين نفسكم بنفسكم كا انا موظفه بس ماسويت نفسكم انطر العطله ولا اجازه عشان اروح الشاليه ولا اسافر
منيرة : انتي وحده فاضيه الناس دوامات وانتي من يجي الخميس طقيتيها شلاله ورحتي الشاليه
شيخه :هههههههه
حصة : اشوفكم تطنزون صج معقدين والله بدنيا مو كل شيء جد خلكم علا حالكم بتشيبون بدري
شيخه و منيره : هههههه
وقفه : خل اعرفكم عليهم
منيرة : 55 مدرسة عربي رئيسة قسم حنونه واللي بقلبها علا اللسانها وراح تعرفون شخصيتها بالاحداث الجايه ارمله
عيالهاا
مبارك : 35 سنه مطلق وماعنده عيال عايش حياته بطول وبالعرض مايحرم نفسه من شيء حياته كلها دوام نادي سفرات شاليه مع ربعه او الاهل ودوانيه يشتغل بشركة البترول
شكله: مملوح طوله 194 ابيض بس سمار لكويت لاعب فيه ومن ربع التان مجسم اوفر يهتم بنفسه حييل بس مايعطي وجه ثقيل
شخصيته عنيد واللي براسة يسويه حنون علا امه مايرفض لهاطلب وكتوم ومايعصب الا ذا انفجر والله لايورييكم اذا عصب رعب
فهد : 34 انسان هادي ماله شغل بحد متزوج عنده عيال اثنين خالد6 ومبارك 3(علا اخو ) ومتفهم حيل وصبور مهندس بالهيئة الزراعيه روتينه اليوميه الدوام دوانيه النادي البيت ومع اخوانه بالنادي مجسم بس علا خفيف ابيض مملوح شوي
مرته دلال :عمرها 30 انسانه غامضه مرة اسلوبها حلو مع اهل زوجها ومرة لا علا مزاجها تسوي اللي يعجبها اهم شيء مصلحتها وموزين تطيحين بلسانها وهذ اللي مصبر فهد عليها وتموت بسوالف وفضوليه حيل موظفة بوزارة الصحه
محمد: 32 شخصيته عصبي وعنيد مايخش شيء بقللبه مايهمه احد واللي بقلبه علا السانه وهذا اللي خلا ناس واجد تنفر منه وعلاقته مع الناس شبه ضعيفه ومايغلط علا احد او يعصب الا على حق بس اسلوبه دفش حيل واذا كره احد بسسب امله ترد علاقته فيه مرة ثانيه روتينه اليومي دوام النادي ودوانيه وبالويك اند يروح شاليه واحيانا مع ربعة بالحداق ومرات يروحون الجزز مره فيلجا او وربه اوكبر وومرات بالويك اند يسافر دبي مايغير ولا يمل منها
يشتغل بالوزارة الدفاع بالجيش ومركزه سري وحساس حيل وهذا اللي خل الناس يهاجمونه بسبب مركزه
شكله : عيونه حاده تدل علا العصبيه وخشمه متوسط ودايم يقولون احلا خشم بالعايله محمد وفمه حاد وشفايفه سود من زقاير طوله 195 ومجسم اوفر نفس اخو مبارك طبعا اخو شلون مايسوي نفسه نقره لعرض الصورة في صفحة مستقلة بس اهو يخربط شوي بالاكل مو منتظم نفس مبارك مهتم بصحته وتغذيه اما محمد عادي عنده

عبد العزيز : 31 انسان غامض ما ينعرف له مزاجي حيل بس طيب ومايحب يشوف احد ينذل جدامه
طوله 190 مجسم ملامحه حلوه وعنده غمازات واسممر حيل متزوج عنده بنت وحده خلود عمره4
روتينه الدوام النادي البيت ودوانيه واذا عصب مرات يحط حرته بنادي موظف بالدفاع بالجيش مع محمد بس محمد اعلا منه مركز

زوجته ابرار : اخت دلال 28ساعه مع اختها نفس طبع اختها مايحتاج اتكلم مدرسة علوم
حمد :28 انسان خبيث ويموت بالطنازه ومو متزوج بس احلا مافيه حنون علا امه
موظف بوزراة الداخليه روتينه نفس اخوانه
طوله 194 اسمر ومجسم العاييله كلها جذي عدوه منتشره بينهم XD
ملاك : 24 متزوجه من خالد اخو دلال وابرار حلوه كلمة مزيونه شويه عليها مهتمه بنفسه حيل ومع الموضه
اخر سنه بكلية التربيه تخصص جغرافيا \
طبعها مايعجبه العجب ومغروره يحق لها مزيونه
خالد عمره :34 انسان عصبي موت مرات يعصب علا ملاك بسسبب غرورها علا الناس بس خالد لا لانها تموت فيه ونقطة ضعفها خالد ماله دور بالقصه كبير موظق بالحرس الوطني
ونفس طبع بعض واذا اجتمعوا مو زين يضغطون احد يكرهونه بحياته
طوله 187 مجسم روتينه دوام النادي البيت قليل يروح دوانية ربعة من تزوج ققلل روحاته
عاليه : 24 قمة بالجمال اسلوبها حلو مع الناس وطيبه بس فيها من اطباع اخوها محمد
بكلية الاداب تخصص ترجمة انجليزي باقي له سنه وتخرج
هيا: 22 مزيونه نفس خواتها بكلية علوم ادارية تخصص محاسبه
شهد : 19مزيونه قمر الا شوي احلا خواتها دلوعة البيت طلباتها اوامر بكلية العلوم البيولوجيه تخصص مايكروبيولوجي
بعدين تعرفون شخصياتهم


حصه اخت منيرة
عمرها 48 انسان عفوية وتحب اضحك ماتحب احد ينكد عليها حنونه حيل وتموت بشوق بنت شيخه موظفه بوزارة الاشغال

نواف : زوجها 56 عمره انسان متواضع ماله دور كبير بالقصه
عيالها
جوري :25 (اخت عيال منيره برضاعه راضعه معاهم )موظفه بمستشفى مبارك الكبير بقسم المختبرات
طيبه ونفس امه وعليها خفة دام مو علا احد
ماخذه من جمال امها وبياضها وماخذه من ابوها غمازاته
متزوجه من ولد عمها عبدالله يموت فيها وبس احيانا اذا مصختها بخفة الدم والطنازة يقلب الدنيا عليها حياتهم نكته واذا راحت عند امها يفقدها ماليه عليه حياته ملح حياته جوري
موظف بالقطاع الخاص قسم محاسبه عمره 31رفيج محمد معاه الروح بروح روتينه نفس محمد
طوله 192 مجسم اوفررر Xo
ناصر اخوها عمره 31 موظف بوزارة الدفاع بالجيش مع محمد واقرب ربع له محمد وعبدالله
روتينه اليومي الدوام البيت النادي عايش حياته ومايهمه احد ومايبي يتزوج ولا يبي يشيل المسوؤليه


مريم :49 تصير لمنيرة وحصه بنت خالتهم انسانه فيها غيرة بس ماتطلعها فيها نوع من الخباثه بس اذا سوت شيء تحسفت بس ماتعتذر
بناتها دلال وابرار تكلمنا عنهم
ساره : 22بنت اية بالجمال بيضه طولها 163 جسمها حلو شعرها عسلي من الله عندها غمازات وعيونها كبار وحاده
ماراح اتكلم عن شخصيتها شوفها بالباراتات الجايه
رفيجة هيا ووعاليه وشهد ومعاهم وين مايروحون اذا تجمعوا فصلوا بكلية علوم اداريه قسم ادارة اعمال
خالد ولدها تكلمنا عنه
######
بنسبه لشيخه (ام شوق ) شتصير لهم تصير جارتهم البيت قبال البيت من عمر معاهم لدرجة انه بنتها رابيه مع عيالها
لانه لما تكون بدوام واهي صغيره تخليها مع الخادمه فكانت تنزلها عند منيرة ورفيجة منيرة وحصه حيل معاهم لدرجة انه مريم تغار منها انها الغريبه وانا القريبه بس منيرة وحصه مايعتبرون شيخه غريبه لانه من ايام ثانويه مع بعض لي المرحله الجامعيه وبعد ما توظفوا ولما طلعت الاسامي بالجريده اللي مقدمين علا قسايم بالاسكان طلعوا بنفس المنطقه حصة ومنيرة وشيخه بس شيخه كانت قسيمتها بقطعه ثانيه ومن كثر مايحبها سالم ( ابوشوق ) راح كلم صاحب القسيمه وتبادل معاه ورجال مارفض لانه قسيمة سالم موقع شيخ وممتاز ووسواها لشيخه مفاجئه وفرحت لما درت انه قسيمة منيرة قبال قسيمتها وجنب منيره حصه اختها عشان جذي علاقتهم قويه بعض جنهم خوات عكس مريم بنت خالتهم
سالم رفيج نواف ومعاه الروح بروح وتعرف عليه عن طريق شيخه واهي اللي خلته يتعرف عليه عشان تكون قريبه من رفيجاتها :S
نرجع للقصه



شوق كانت تمشى عالبحر وكانت لابسه لقنز مقلم ابيض باسود وقميص حرير من زارا حفر اسود يوصل لي نص الفخذ وحزام ضعيف حيللل اسود علا الخصر
كانت سرحانه وهيا تمشي علا الشاطيء فجاة سمعت صوت بنات عاليه وشهد وساره وهيا كانو قاعدين بس بعيد عن البحر


لفت بتشوف
عاليه : شوف شوف منو اهني !!
هيا : ويععععععع لوعت جبد انا من اشوف هالجكر ويومي كله يتعكر
الكل : هههههههههههههههه
رجعت تمشي وطنشت وحز بخاطره كلامهم
فضلت تدخل داخل لانه حست نفسها منبوذه
راحت الشاليه ( علا فكر شاليه كبير ولسالم ونواف والمرحوم ابو مبارك (خالد ) كانو متقاطين وشروا هشااليه عباره عن ثلاث ادوار وسرداب ومتوزعين فيه ومساحة الشاليه 600متر
المهم
داخل الشاليه محمد وناصر وحمد كانو يلعبون بلايستيشن ومندمجين بالدوري
اهو مشجع اليوفي ومن عشاقه وحمد مانشتسر
محمد : يلا يلاا بسرررررعه والليده بايده شوي وتنكسر وصررخ هيااااااااااااااااااااااااااااا قول
حمد: اقول استريح غشاش عيني عينك
محمد: ي عمي رووح تعلم بعدين تعال واوصل مستواي
حمد : ماشي ي بوحميد اوريك
دخلت ومن شافته رف قلبه حست تنفسها مو منتظم وعرقت
حمد بهمس : شرفت ام السعف محمد وناصر بطوهااا ضحكه
شوق : السلام ...
حمد وناصر : بطنازة وعليكم سلام ( يقلدون صوتها )
محمد ططنشش
واهي ظلت واقفه تنطره يرد شافته طنش قالت : محمد شلونك؟
محمد بلوعة جبد : هلاا ( منغير مايطالع ) يلا حميد خل نبدا القيم
وناصر ميت ضحك
حست انه مافي اكسجين بالصاله طلعة الدور الثالث هالدور لعايلة ابو شوق وابو ناصر
دخلت غرفتها وقفلت علا نفسها الباب قعدت تبجي بقلبها ( ليش يحرجني يعني مايدري اني احبه لهدرجه انا بشعه ومو حلوه كرهتت نفسه حيل )
عند الشباب تحت
حمد : لا لا ي بو حميد مايصير جذي ليش (وبطنازة) هالقومر يحببك ويمووت فيك لاتطنشه
محمد عصب وقط اليده ونقز فوق اخوه : ولكك اكل تبن لا تبلشني فيها من حلاتها تجيب المرض
ناصر ميت ضحك
حمد دزه: مصدق عمرك يالخفيف ناط فوقي ولك انته لو سحبونك بتريله مايقدرون بروحك جثة
محمد : انا علمك منو الجثه تعأأأأل (حمد طآآآآآآآآر انحاش وماتشوفون الا غبرته ) وناصر دمعت عيونه من الضحك
محمد طق ناصر بكتفه : تضحك خرا بشلكك انا اعلمك ماشي
ناصر : كآآآآآآآآآآآآآآآك وانا شكو روح لاخوك الدعله شنو بعد ماضحك حرام
محمد طنشه ولحق اخوه


حمد وصل عند امه وخالاته
حمد: خشوني خشوني
منيرة : سم الله عليك يمه شفيك؟؟
حمد: اقولكم خشوني قرانديزر شايش علي
جوري : ههههههههههههههههههههههههههههه وين نخشك شايف روحك ي جونسينا
حمد : خالتي تكفين سكتيها لا ادوس بطنها
جوري : ههههههههههههههههه
حصه : بنيتي صاجه ماجذبت عنبوكم كل واحد كبر البغل والله انا خالتكم اخاف منكم
شيخه : ههههههههههه خلاص يمه تعال انخش وراي ( بطنازه)
حمد: خالتي تطنزين شايفه روحج ووين انخش وراج انتي ضعيفه ابين
جوري: لا صج والله ؟؟
حمد: انتي وين بعلج يفكنا منـج
جوري : فديت بعلي مو شغلك
ولا صوت محمد :تــــــــــــــــــــعــــــــــــــــــــــــال
حمد نقز من مكانه : يمه وين اروح ؟؟ وقام يفتر علا طاوله اللي قاعدين فيها
جوري : خوش خوش بشر مرتك ي خواف
حمد : جب انتي لا تبلشيني مابي اتزوج
محمد: منو اللي يسحبونه بتريله ( وبعصبيه ) هاه
حمد : مادري مو انت المهم مو انت
كانو يدورون علا الكراسي
اهو يروح يمين وبعدين يسار وحمد بلعانه مسك كرسي جوري واذا لف محمد يسار راح يمين ويسحب كرسي جوري معاه والعكس
جوري : يمه يمه يمه هد الكرسي
حمد : هههههههههه
محمد : شاف بطل ماي على الطاوله وكان مفتوح واهو وراء كرسي خالته شيخه
شيخه : ييمه محمد خل يولي انته العاقل ماللك شغل فيه وماسكه ايده
محمد بحركه سريعه اخذ البطل ووكت الماي علا حمد وجوري
جوري شهقت : ااااااااااااااهههههههئئئئئئئئئئئ بارد بارد محمد انا شكو
محمد بضحكه : محد قالج تجين جدامي احسن
حمد متنرفز وبخباثه : انا اعلمك ي بو حميد هــين
محمد: روح روح روح بابا يلآآآآ ويقعد علا الكرسي
حمد اكثر شي يكره انه احد يكت علي الماي مايحب واهم شي شعره كان مسوي تسريحه بشعره وخربها محمد
جوري معصبه : آآآآآآآآآآآآآوف اللحين بروح ابدل كله منك مالي خلق اصعد ابدل
محمد :دقي علا (بنعومه مولايقه عليه كلشش)عبوودي خل يشيلج دام مالج خلق
جوري :اي انزين جب انت بس
محمد فز بيقوم عليها يمسكونه حصه وشيخه
جوري انحاشت وتركض من قلب عبالها وراها
شيخه : انتو شفيكم انهبلتوا ماجنه الواحد فيكم صاك 30 واللي فوق 25 استحوا شخليتوا للجهال
محمد ياكل من الحلا ومطنش
حصه : والله عيب عيبب تفشلون بروحكم فشلتوني ذاك اليوم وانا عازمة رفيجاتي بيتي وياليتني ماعزمتهم مقروده منحوسه
منيرة : انتو متى تكبرون عيب استحوا شوي
شيخه : الواحد لين كبر يعقل وانتوا كل ماتكبرون تدبرون ومحمد مازال ياكل من الحلااا ومايرد
شيخه طقته علا كتفه : انا احاجيك وانته تبلع
محمد فز : اي شقول هذا انتوا حفظت كلامكم من كثر ماتقولون اي لين متى نسمع هالمحاظره
منيرة : لين تركدون وتزوجون
محمد بقلبه وليــــــــن : خير ان شاءالله
منيرة : اي خير ان شاءالله وخير انشاءالله وما انشوف شيء
ولا البنات وصلوا وهيا وشهد وعاليه وساره
بصوت : السلام عليكم
الكل : وعليكم السلاام
محمد: شلونكم بنات وهو عينه علا وحده بس لانه كلهم خواته
البنات : بخير
محمد: شخباركم
البنات : زينين
هيا بنحاسه : شطاري عليك اليوم تسألنا عن اخباارنا بالعاده لاعن خيرنا
سارة استحت
محمد اوريج ي سحيله ماشي : شسوي احبكم اموت عليكم خواتي شلون ما احبكم
عاليه وشهد : عسى دوم هالمحبه
شيخه :شهود ماما روحي للخدامه قولي لها تجيب التشيز كيك
شهد: ان شاءالله خالتي
محمد ويبوس خالته شيخه بقوه :احبببج خالتي فيها تشيز كيك ي عوووومري والله
شيخه طقته: ويه بس لوعت جبدي خله حق مرتك ما ابيه اعنبوك انته تبوس ولا تشفط
الكل : ههههههه
محمد : المهم اسمها بوسه
شيخه : مقروده اللي بتاخذك
محمد واهو عينه علا ساره ويغمز لها ومن غير محد ينتبه : الا ي حظها والله
ساره ماتت بمكانها تخاف تقوم احد ينتبه لها واهي ماتبي احد يدري عن حبهم لبعض بسس محمد ينقزز
الدور الثالث بغرفة جوري بعد مابدلة البست جينز تايقر مع بلوزه قطن خفيفه لونا اخضر وتوصل لي نص فخذها
ودلعتها دائريه والجم ثلاث تربع
وطلعت من غرفتها وراحت بتنزل سمعت صوت من شقة سالم راحت بتشوف وطقت الباب محد يرد فتحته ودخلت
سمعت صوت شوق تبجي بقلبه جوري( اكيد هالبنات مضايقينها اهو في غيرهم )
جوري طقت الباب اول مره محد رد بس وقف البجي ثاني مره ردت بس بصوت عادي جنه مافيها شيء
شوق : منو ؟(صوتها ناعم وهادي وصوته اللي يسمعه يقول ام 12 صاحبة الصوت)
جوري : انا جوري بطلي الباب
شوق يتوتر : تبين شيء ؟؟؟
جوري : انتي بطلي الباب وانا اقولج
فتحت الباب واهي منزله راسها
دخلت جوري وطاالعت فيها :شفيج ليش منزلة راسج ؟
شوق : ماكو شي بس زهقت وانا قاعده تحت قلت اصعد
جوري : شوفي شوق لو بتخشين علا الكل مو علي انا (رفعت راس شوق بايدها ) عيونها حمرره من كثر البجي
جوري : لي متى وانتي كل ماقعدتي بروحج تبجين شوق حبيبتي اللي مايبيج وخري عنه
بدموع وبشهقات بصوت ضعيف : اذاا وخرت عنهم منو يبيني مايبقى لي احد
جوري : شهالكلام شواقه انا وين رحت وامي وخالتي منيره وخالتي شيخه؟ ليش هالكلام
شوق بلخبطه : انا والله ماقربت صوبهم اهم يقطون علي كلام والله ماقلت شيء وقامت تبجي
جوري لمتها بحظنها :خلاص حبيبتي لاتبجين لاتشيلين بقلبج (بعد فتره)
جوري بخوف : شوق انتي تحبين محمد ؟
شوق حست شعر جسمها وقف واهي بحظن جوري بسرعه قالت : لاااا م ا احبه (حست انها ارتكبت جريمه )
جوري بشك : اكيد ؟؟ شوق حبيبتي انا ابي مصلحتج ومحمد لو شنو ماراح يطالعج
شوق بنقص وحزن : ادري
جوري : انا اسفه مو قصدي بس محمد و اعرفه عدل
شوق ساكته


 

 



رد مع اقتباس
قديم 11-15-2013, 09:39 AM   #3
شَـعـلـؤمـة ,!!


الصورة الرمزية ؤحَشتنئ سَؤآليفك,#
ؤحَشتنئ سَؤآليفك,# غير متواجد حالياً

بيانات اضافيه [ + ]
 رقم العضوية : 43220
 تاريخ التسجيل :  Nov 2013
 أخر زيارة : 08-28-2014 (04:51 AM)
 المشاركات : 44 [ + ]
 التقييم :  10
لوني المفضل : Cadetblue
افتراضي



البارت 2
جوري باست خدها :يالله ننزل؟؟
شوق :لا مابي روحي انتي
جوري :انتي من صصجج توه امي دقت علي تقولي انزلي انتي ونادي شوق عشان التشيز كيك ماتبين تذوقين الكيك اللي انتي مسويته
شوق بترردد : مادري
جوري :يالله عاد قبل لا يهجمون عليه وتسسحبها غصب : يالله غسلي وجهج وحطي شوية ميك اب
شوق : اغسله اي احط مكياج انسي
جوري : وججع غصبن عنج طبعا دشت شوق الحمام داخل غرفتها وغسلت وجها
واول ماطلعت تنشف وجها شافت جوري معاها مقلمة الميك اب وتطالع فيها
شوق : لا الله يخليج مابي
جوري : اي ليش في بنت ماتحب الميك اب
شوق : مو سالفت احبه ولا لاء ابوي يزفني اذا حطيته
جوري : شدعوا عمرج 18 سنه وليش مو راضي
شوق : مم مادري !!
جوري سكتت بقلبها استغفرالله ابوها ولا جنه ابوها بروحه مو مخليها تكمل الدراسه انسان صعب
جوري : خلاص مشينا تحت
شوق مترردده ماتبي تشوف البنات
جوري :يلآآآآ وتسحبها غصب

بدوانيه عند الشباب
سالم ونواف قاعدين سوالف ويشوفون الاخبار
مبارك وفهد وعبدالله وخالد يلعبون جنجفه
عزيز منسدح وحاط ايده علا عيونه
حمد وناصر يطقطقون بالبي بي وسوالف
مبارك : ولك اللعب اللعب
فهد : بسسك يسسك هياط
خالد: اخر شيء مكسرين راسه
مبارك :انا اعلمكم منو تكسرون راسه وبنظره خبيث يطالعهم ومبارك معرووف بالغشش حرريف
بعد فتره مبارك : هند ويقوم يهز راسه ويطق اصبعه : شــــد عليه ي ولد !!!
خالد : ي عمي رروووح اكبر غشاش انته
مبارك : ههههه عندك دليل مافي اتهام بدون دليل وززع وززع بس روووووح
فهد خززه : اعلمك انا ماشي !!
عبدالله : وززع وززع انا الليله مكسرر راسك مكسسره
مبارك : هاهاهاهاها بالعييد ي حوووبي

عند البحر
وصلو جوري وشوق كل ماتقرب كل ما قلبها يدق بسرعه
البنات : السلام
الكل وعليكم السلام
محمد ماكان منتبه يطقطق بفونه او بالاحرا يسولف مع ساره
حصه : اهلين شواقه وينج مختفيه تعالي جنبي هني
رفع راسه وشافها ورد يطقطق بالفون
وتأشر علا كرسي جنبها وجنب الكرسي محمد قاعد
وقف شعر جسمها شوق : لا خالتي خلي جوري تقعد بجيب لي كرسي
شيخه : اقول اقعدي وخلصينا (بسلوب حاد )
حصه : شيخه شفيج عصبتي ماقلت شيء
شوق حسست بحرراج وقعدت مكان ماقالت خالتها
جوري راحت تجيب لها كرسي وقعدت صوب البنات وطقتها سوالف
وطول ما اهي قاعده منزله راسه وحاسه بحرااج من اسلوب امها
حصه : شوق ماما تبين قهوه ؟؟
شوق بصوت اقرب للهمس :لاا
شيخه :حصه لاتعبين نفسج وفكينا عاد
محمد ساكت ومستمع
بالبي بي
ساره : حمود قوم
محمد: وين اروح ؟؟
ساره : شنو وين تروح ان شاءلله بخليك تقعد وسحيله هذي قاعده جنبك
محمد: ي حليلهم اللي يغاروون ومن عقلج بطالع فيها انتي شايفه وجها بالاول خدامتنا احلى منها
ساره : ههههههههههه ببس مماهما يكون من جنس حواء وانا اغار
محمد: بعدين اانا احبج انتي وبسس ولاتفقدين ثقتج بنفسج نفس سحيله اللي جنبي ويحححلموون يحلمون يا خذوني منج
انجوم السما اقرب لها ههههههه
عند شوق كانت منزله راسها تحس نفسها مخنوقه قامت تستأذن
ولا صوت شيخه بحده : انططقي مكانج
حصه عصبت
محمد رفع راسه شاف خالته شيخه وشافها
انتبه لدموع متجمعه بعيون شوق
رجع لفونه
وقعدت شوق وسط ضحك البنات
عاليه : ههههه امبيه ماتسوا عليها
هيا: مالت باطه جبدي ويع ويع ودي امسكها واسنعها
شهد : شتسنعين فيها تكفين
ساره : اوف ودي امسسكها وانتفها مع كشتها الخايسه قاهرتني قاعده جنبه
هيا وشهد يطالعون بعض :واللي يخليج تسوين اللي فبالج

ساره بفرحه ممزوجه بغيره : اكيد ابي ؟؟!!!
عاليه :شيتسون فيها
شهد : اش اش وصلت جوري مانبيها تدري اهي(بطنازه ) المحامي الخاص لشوق
هيا :بعدين نقولج ؟؟
جوري : هاه شتقولون
عاليه : سلامتج كنا ندردش عادي ههههه
عند حصه منبطه جبدها من شيخه ما تدري ليش تعامل بنتها جذي
شوق ما اقدر اوصف لكم شعورها شنو !!
نبذه عن شعورمحمد تجاه شوق شنو سبب كرهه لها
صج انه مايحبها ولا يواطنها بيعشة الله من كثر ماتلزق فيه وتسلم عليه واهو مو معطيها وجهه ودايم يفشلها جدام خواته واخوانه عادي عنده واهو عنده علم انه شوق تحبه من كانت ام 5سنين و ومن كان اصغير ما يحبها عدوته شوق
لما كان صغير يكرها بسبب لبسها شعرها مو مرتب ولما كبرت كرهها زياده لما عرف بحبها له بس اليوم اهو اول مره يشوف دموع شوق كسرت خاطره حس فيها بس مسرعه ماراح هالاحساس
ولان شيخه قاطه بنتها عند الخدامه وماتسأل فيها وتعطي فلوس للخدامه تجيب لبنتها ملابس صج انه شوق رابيه عند منيره وعيالها بس الخدامه معاها وشيخه ماتسال ودايم بنتها بيت منيره ومنيره مو فاضيه يالله تعابل بعيالها وخصوصا انها مدرسة عربي وصصعب عليها
فشيخه هامله بنتها حيييل واحياانا الخدامه يمرر اسبوع ماتسبح شوق ولا تهتم لانه مو امها الخدامه مربيه ما حست بالامومه وشكلها ماييكون مرتب ومرات منيره او حصه يكلمون الخدامه تسبحها ومرات حصه تاخذها عندها بالاسابيع
يعني حصه شبه امها شوق حست بالحنان مع حصه مو امها
محمد: ماصارت وينه التشز كيك ترى زهقت
شهد : قلت للخدامه تجيبه
محمد: وليييه وانتي ماتعرفين تجيبين شيء
شهد بدلع :مالي خلق
شوق تطالع شهد وتحسدها علا جمالها وده لو بربع هالجمال
شهد:قل اعوذ برب الفلق شتبين تطالعين انتي؟؟؟
عاليه : لاتلومينها مو حاصلها جمالج
جوري : شواقه شفيها تهبل شحلاتها
ساره : انتي تكلمين عن شوق لا شيماء علي
البنات : ههههههههه
شيخه : واهي صاجه ساره لاتجاملين زياده يجوري
هيا : اقول خالتي وديها ايران ترى تجميل اهناك فنون شوفي بناتهم كل وحده تقول ازين عندي لا وبلاشش بعد
شيخه: اي بوديها ..ان شاءالله بخليها بجكرها وتطيج بجبدي انا امها مالي خلق اطل بوججهها
محمد وسط صدمه من كلام خالته
عاليه : الله يعينـ..... ماكملت كلمتها وقفتها شهقة شوق القويه و حطت ايدها علا فمها وقامت تركض
عاليه : ووي شفيها نانسي زعلت هههههههه
منيره بعصبيه : عاااالليه جبب ولا كلمه
انحرجت جدام الكل وطلعت
والبنات انسحبوا وحده وحده الا جوري
حصه : شيخه شفيج انهبلتي في وحده تقول عن ببنتها جذي ي ختي حتى لو ماعجبتج بنتج جامليها
انتي ماعندج قلب ماتحسين والله انه شهقتها جنه سكين بقلبي اااه منج ومن برودج بسس
منيره : منو قال انه شيخه مو حلوه فيها حلا وتهبل وكانت ورده مفتحه بس انتي وزوجج خليتوها ورده ذبلانه وحسستوها بنقص بهمالكم ودايم تشوفين بنات الناس وتتطمحين لاجمل
شيخه برود : اشوفكم تدافعون ؟ واكيد فيه احد مايبي الجمال شوق لو نفس جمال بناتج ولا ساره جان سويتها يادهينه لا تنكتين ( شيخه مهههوووسسسه بالمظاهر حييل اهم شيء عندها الجمال فوق كلشيء وشيخه مزيووووونه تهبل وسالم مجنون فيها والله مارزقهم الا بشوق)
حصه انجننت من برودها : ماتبين بنتج انا ابيها اربيها عندي ولا اشوف كل يوم شوق تموت جدامي وانا اسكت
شيخه : بنتي حلالج انا ما ابيها اصلا متفشله منها جدام الناس استحي اقول هذي بنتي وبنات معارفنا كل وحده اجمل من ثانيه وشوق شيفه عندهم بس هاه ماتخذينها مني الا لي سمعتي بخبر وفاتي
حصه : بسم الله عليج
محمد باس راس خالته ومتضايق من كلامها ليش تقول عن بنتها جذي : بعد عمرا طويل خالتي
منيره : الحين بذمتج حارمه بنتج من حنانج عشان الناس صج ماعندج سالفه انا اقوم احسن احس لو قعدت زياده راح انفجر
وراحت
عند شوق
راحت مكان بعيد ماترتاح الا فيه معزوله عن الكل صوب صخره قاعده وتبجي ومنهاره
( لهدرجه ي يمه حتى لو مو حلووه ليش تقولين جذي جدامهم حرام عليج والله حرام )

بعد ثلاث ساعات
10 بليل
منيره قلبه مختبص علا شوق ودقت علا الشباب يدورونها
لانه البنات الكل داخل الشاليه الا شوق
شيخه قاعده وتاكل من سلطة سيزر مو مهتمه كللش
لفت عليها حصه بصراخ : حرام عليج انتي ماعندج قلب بنتج صارلها ثلاث ساعات مختفيه وانتي ولا هامج
شيخه : شتبين اسوي ؟؟
منيره : هذي ماينفع معاها الكلام خليها مردها بتحسف
شيخه : فكينها بس من هالكلام اللي مامنه فايده وتكمل اكل
انزلت مريم تحت كانت واصله شاليه ساعه 9 مع بناتها : شفيكم شهالصراخ
شيخه ماتواطنها : ماكو شيء
مريم : ماسالتج وعن اللقافه
حصه : بس اسكتوا انتوا كبار ولا صغار شخليتوا لبناتنا
منيرة بدموع : شوق صارله 3 ساعات مختفيه
مريم : ويـــــــــه عبالي عندكم سالفة منو بيطالع فيها هذي الجني مايطالع فيها لاتخافين عليها قطوة بسبع ارواح ترجع الحين
عند الشباب
يدورونها مبارك ومحمد وخالد بصوب
عزيز وناصر وعبدالله بصوب ثاني مو زعين انفسهم
فهد وحمد مع بعض يدورون
بعد نص ساعه
حمد : اووف هذا اللي ناقص ادور ام سعف معاكم ان شفتها دست ببطنها انا اوريها
فهد : انت اشفيك صاحي ماتبي تدور اذلف لاتقعد تحن جنك عجوز
حمد : كيفكم روحو دورا انا مالي خلق اتعب عشان بقره ورااح
فهد بقلبه حمد الله وشكر له
عند مبارك
مبارك: محمد روح هصوب وانا بروح صوب الصخر
محمد : ماشي ...
بعد عشر دقايق
سمع صوت اقرب للهمس
قرب من صخره وشغل التريك معاه
مبارك : شوق
شوق خافت : .....
مبارك : انا مبارك
شوق ارتاحت بصوت خفيف : مم باارك

مبارك ارتاح : تعالي يبه
قربت شوق وكانت خايفه يزفها
مبارك ماسك اعصابه : انتي شتسوين اهني وبهالوقت
شوق : كنت هني من زمان وماحسيت بالوقت
محمد وصل علا جملتها الاخيره وسمعها
مبارك : شوق حتى لو ماتروحين لهلمكان تالي الليل شالهيات اللي احولنا اغلبا شباب صييع و متهورين
محمد بعصبيه : انتي ماتقولين لي شتسوين هني هاه
مبارك : محمد خلاص انا كلمتها تصارخ عليها ليش
محمد : كيفي اصارخ عليها ادوس بطنها محد له شغل
مبارك عصب : بصفتك شنو تصارخ عليها ابوها اخوها مالك شغل فيها
شوق ساكته ودموع بعيونها بقلبه والله ماحسيت بالوقت غصبن عني
مبارك : شوق انتي تبجين ؟
شوق ماردت
محمد تضايق : خلاص بلغ شباب انه لقينها
مبارك :اوكي يلا امشوا
وكان مبارك جدام يمشي وراه شوق ومحمد وراها بضبط
كانت منزله راسها واهي تمشي متضايقه ماتدري انه هذا كل بيصير
شوق بهمس لفت علا محمد : اسففه
محمد : خلاص عادي ولا يهمج ماصار شيء بس وقفتي قلوبنها وامج المسكينه مارتاحت ( واهو مايدري عن شيخه )
شوق بفرحه :صج امي سألت عني
محمد واهو مايدري ببشبه بتسامه : اكيد في ام ماتبي عيالها
شوق ببتسامه ونزلت راسها : صح كلامك
وصلو شاليه وكان بستقبالهم سالم بسس
سالم من شافها زادت عصبيته
بهدوء نادا بنته : شوق تعالي

شوق بخوف واهي ليلحين وراء مبارك وجنبها محمد : يبه انا والله موقصدي
سالم : ادري ادري موقصدج تعالي يبه
ارتاحت وراحت لابوها اول ما وصلت صفقها كفف حاار من قوته طاحت
محمد كان متوقع هالكف اما مبارك لا
محمد باله بيوقف خلاص
بس لاا الوضع تطور قايم يرفسس بنته ويطقها
مبارك يحاول يسحب سالم من فوق بنته لانه قاعد يخنقها
سالم بعصبيه : موتي موتي انتي لازم تموتين
ومحمد يسحب شوق من تحته ومبارك وخر سالم عنها وشوق مختنقه وعيونه دمع وبس تككح وماكانت قادر توقف علا سحبة محمد اللي ماسكها من زنودها
سالم : وخرر مبارك ذابحها ذابحها
مبارك : تعوذ من بليس شفيك ؟



 

 



رد مع اقتباس
قديم 11-15-2013, 09:39 AM   #4
شَـعـلـؤمـة ,!!


الصورة الرمزية ؤحَشتنئ سَؤآليفك,#
ؤحَشتنئ سَؤآليفك,# غير متواجد حالياً

بيانات اضافيه [ + ]
 رقم العضوية : 43220
 تاريخ التسجيل :  Nov 2013
 أخر زيارة : 08-28-2014 (04:51 AM)
 المشاركات : 44 [ + ]
 التقييم :  10
لوني المفضل : Cadetblue
افتراضي



البارت 3

محمد: وليش تذبحها اهي شمسوية
مبارك فهم تفكير سالم : ي بوشوق تعوذ من ابليس بنتك مافيها شيء لقيتها قاعده قبال البحر مو بعيده
وشوق تبجي من تفكير ابوها وشلون شاك فيها
محمد : قومي روحي داخل
شوق قامت من غير لاترد
والشباب اوصلو علا طلعت شوق
عزيز : هاه محمد وين لقيتها
محمد : بمكان قريب مو بعيد صوب البحر
فهد : زين اشوا ماصار فيها شي والله حفظها
ناصر : من صجكم انتو أ من اللمقرود اللي بيخطفها
حمد اللي طلع من ديوان سمع اخرجمله
حمد بووقااااحه : اي والله صاج انا لو اشوفها جدامي ومفصخه ماخطفتها
ماحس الا بككف حححار علا خده
من مبارك بعصبيه : احترم نفسك وعن قلت الادب شهالوقاحه
عزيز يطالع فيه شبه معصب: مهما كان ماتقول عنها جذي اعتبرها وحده من خواتك ي خي استح
حمدعصب : انا تمد ايدك علي عشان الحيوانه هذي وتخسي تكون وحده من خواتي
وطلع هوا معصب هين ي شوق حطيتج براسي
(الله يعين هالشوق نقره لعرض الصورة في صفحة مستقلة )
داخل واول مادخلت شوق لمتها حصه وقامت تبجي ردت فيها الروح من شافة شوق
ومنيرة تسحبها من الصوب الثاني وتلمها وتقرى عليها لانها كانت ترجفف
دلال وابرار قاعدين ويطالعون فيهم
دلال : ويييع اوف من حلاتها
ابرار:انتي شوفي وجهه شلون صاير جنه احد مكفخها
دلال : هههههه اي والله صاجه شكله ابوها لاعن خيرها

بنسبه لشيخه كانت نايمه
اما منيرة وحصه لا ماقدروا ينامون من غير مايتطمنون عليها
شوق تبوس ايد حصه وايد منيرة : خلا ص روحوا نامو واالله انا بخير
حصه وقلبها مو مطاوعها تهدها : مماشي يمه تصبحين علا خير
شوق : وانتي من اهله
ومنيره وصلت شوق لفراشه وراحت تنام


بعد يومين بشاليه
الساعه 7 الصبح
قررت تطلع من العزله اللي اهي فيها دامت يومين
دشت الحمام تسبح وتنشطت والبست بنطلون قطن اسود يوصل لي فوق كعب رجلها بشوي ولبست بلوزه سوده قطن الجم ماله ثلاث تربع ولونه الجم مشمشي والبست فلات من تومز لونه مشمشي نشفت شعرها ومايحتاج استشوار سوته الكبه اليابانيه رشت عطر من دولتشي اند غاباناوخذت فونها بلاك بيري كيرف 9300

انزلت مالقت احد قاعد الا الخدم
دشت المطبخ وقالت لخدامة تجهز لها الريوق
وراحت اقعدت بكرسي قبال طاولة الطعام
بعد 5 دقايق من الانتظار
سمعت صوت وراها : صباح الخير (بطنازه ) قاعده
كان حمد
لفت واهي مخترعــه
وردت لفت راسها وتوترت بوجوده
قال للخدامه تجهز له الفطور تجيب له برى عند البحر
وطلع من المطبخ ولف شافها شلون متوتره بطنازه : واآآي يمه لاء انا خاايف
رفعت راسه تشوفه استغربت من اسلوبه
حمدبخباثه ولاعانه وجنه تذكر شيء : اقول شوق ماشفتي محمد ذاك اليوم شلون خايف عليج
شوق انصدمت بقلبها شيقول هذا من صججه محمد خاف علي
حمد: اي شفيج تطالعيني جذي اصلا اهو يحبج ومن اختفيتي وعقله مو وياه المسكين متعلق فيج
شوق بتناحه : هاه
واهو لا يعه جبده منها ومن غبائها بنسبه له طلع وخلاها
وصل ريوقها وقامت تاكل ولا مبارك نازل
مبارك : يه يه يه ماتعزمين من اولها جذي
شوق بحراج : ما ك نت ادري عبالي نايمين
اول ما وصل عندها ابتسم مبارك : صباح الخير
انحرجت شوق :صباح النور
مبارك : شلونج بعد اللي صار عسى بس مافي شيء يعورج ( كان يعتبر شوق اخته واكثر ومايحب احد يتكلم عليها لانها اهي حقها مااأكول وماتقدر تدافع عن نفسها )

شوق : لا الحمدالله بخير
مبارك ناده الخدامه تجهز له الفطور
ولا علا دخلت محمد اللي متغرق بالماي ولا بس شورت فوق الفخد الاشوي ولف نفسه بفوطه علا الخصرو ومعااه فوطه ثانيه ينشف فيها جسمه وكان لووونه غامج
محمد : السلام
مبارك وشوق :وعليكم السلام
شوق مستحيه ومنزله راسها واهو لا معبر قعد ونادى الخدامه تحطله فطور
مبارك يخزز: نعيما جان قلت لي اصبغ معاك ي نحسسك
محمد فاهم خززه : والله على حظك خللص اخر شيء بقى معاي
مبارك : اي انا جايب علبه ثانيه
محمدد : اي اهي نفسها اخذتها منك
مبارك عصب : منو سمحلك انت حمار شكو تمد ايد علا شيء مو لك
محمد : استرييح بس والله ويعلي صوته ميــــري يلا وين ريوق
مبارك : الله يغثك جانك غاثني بحياتي دعله كله وراي حتى بنادي ناشب لي عنبوك امك انا والدك وناسيتك
محمد سوا حركه حط اصابعه(جنهم قرون ) عند راسه يعني شيطان : هيهيهييهيهي
مبارك : اقول جب لادوس ببطنك مادري وين بتوصل بسمارك صصرت فحمه قاعده
محمد : كيفي مو شغلك
مبارك : انزين قوم طسس اللبس
محمد : مالي خلق تعال لبسني
مبارك : عن المصاخه واقوم البنت استحت وانته مافيك حيا
محمد يخزززه : اي زين اكل بعدين الببس مالي خلق اصعد
قامت شوق اهي ماشبعت من فطورها مااتت من الاحراج وطلعت برى عند البحر
مبارك : شوق
شوق بصوت اقرب للهمس : هلا
مبارك : لاتباعدين يبا خلج قريبه
شوق بحيا: ان شاءالله وطلعت
مبارك يحذف اخوه بطل الماي اللي جدامه : صار لي ساعه اللمح لك قوم وقوم بس االثور ثور احرجت البنت
محمد : خير ان شاءالله اقوم عشان ام سعف هذا للي ناقصني بعد ( حمد اللي مطلع المعياره هذي لشوق )
مبارك : انتوا شفيكم عليها ؟؟
محمد : مافيني شيء بس انا ما اتحملها ولا اتحمل غبائها ولا احبها كيفي عاد شيء راجع لي
مبارك: وتظن انه شوق غبيه ؟؟؟
محمد يطالع فيه مافهم
كمل : لا يذكي شوق اذكى مني ومنك بس لانه علا نياتها تقول هالكلام
الذكي الحاط روحه ذكي اهو الغبي والغبي اللي حاط روحه غبي اهو الذكي فهمت !!
محمد سكتت وقام ياكل ي عني معقولها فاهمه كل طنازتنا عليها وليش تحبني دام اهي تشوف الكره مني دامها ذكيه علا قولت مبارك !! مالقى تفسير

عند ششوق تمشى صوب البحر وتخيل لو مبارك اخوها دمعت عينها تمنت هالشيء وبقلبها يحظ خواته فيه "

عند حمد اللي يشوف شوق واهي تمشى ويمسك خده وتذكر الكف هين والله لاخليها سالفة لاصارت ولا استوت بخليج تمنين الموت وماتقدرين توصلينه ...

داخل عند مبارك ومحمد ن
زل ناصر وبعده *عبدالله اللي مسوين له جناح عند ديوانية الرياجيل للضيوف اهو نسيبهم
وقعد يتريق معاهم
عزيز نزل مع بنته خلود شايلها بكتفه :السلام
الكل :وعليكم السلام
عبدالله :هاه ام السانين معاك
خلود : كيفي
محمد : اوف قويه عبيد
عزيز: حميد فكني من شرك الله يرحم والديك
ناصر : سوسه سوسه مايرتاح الا يعفس الدنيا
مبارك : ولك ارحل ارحللل
محمد يطالع فيهم : حتى انت يا نويصر قلبت ي ملائكه انتوا سمالله ماتغلطون هاه عزيزان شرايك اقول للمدام ولااء السنيوره اللي عندك توصل ويغمز له
عزيز انعفس : ولك جب انطم وياشر علا فمه سد هذا شوي
عزيز : يبا انت ملك واحنا شياطين بس فكني
الكل :هههههههههههه
عبدالله : طحت بلسانه الله يعينك
ناصر : مصيبه صابته اعنبوك بتقلب بيت الرجال اخوك اخوك
محمد : انا شيطان هاه
عزيز : ولك جب بس فكني شهالدعله
مبارك : من يومه دعله وانا اكثر واحد متأذي
محمد :ههههههههههه
عزيز خاف من محمد يتهور خبل يعرفه نادى الخدامه تاخذ خلود تبدلها وتوكلها
عزيز لما راحت بنته: انت غبي شفيك عبالك سالفه هينه ماخذها طنازه
محمد : وانت شمسوي متزوج علا سنة الله ورسوله
عزيز : اششش اششش اسكت فضحتني
مبارك : ههههه بيقوم قيامتك اليوم هذا
عبدالله : عاد تبي صج مرتك تستاهل علا هالسوالف اللي تسويها
ناصر : اقول عبيد ان فكرت تزوج علا اختي ي ويلك
عبدالله : يعمي طسسس بس
ناصر يطالع فيه وعبدالله فهممه : ي نحسسك ي خي شكو اتزوج علا جوري انت غبي
ناصر :عبالي
مبارك : شوف الدعله الثانيه اقول شباب اللي بيتزوج لا يقول لمحمد وناصر ديربالكم
محمد : ها مبارك شكلك مسويها
مبارك : بسم الله علي الله لا يقوله مجنون اتزوج بعد عنود خبل شيبت فيني بدري ورتني النون وما يعلمون تبيني اتزوج خير ان شاءالله
ناصر : انت غلطان لو انا مكانك امسكها وامردغها بالقاع وبالعقال لين تمشي سيده
محمد : ولك دشت المستشفى بغى يروح فيها مبارك ويتفنش من وظيفته بسبتها
مبارك : ماخليت شيء ماسويته معاها اخر شي كفختها سببت فيها عاهه طول عمرها
محمد: يخي ماني مصدق اللي صار احس حلم
عبدالله : والله انا من البداية قلت لك وخر عنها ماتصلح لك ي بن الحلال بس انت ماش اذن من طين واذن من عجين
مبارك : خلاص انا جربت زواج مره وكرهته
عبدالله :عزيز لين متى بتخش علا اهلك خبر زواجك ( متزوج صارله 6 شهور )
عزيز : مومفكر اقول اصلا يمكن الله ي خذها وافتك منها
وصل فهد : السلام
الكل :وعليكم السلام
قعد ياكل
فهد: جني سمعت شيء
عزيز :ماخبري فيك ملقوف
ويطالع ناصر : من عاشر القوم
مبارك : سلامتك بس نتكلم عن زواجه ومتى يبلغ اهله والحبيب مايبي
فهد : دامك موقد هالزواج ليش تبلش عمرك انا وحده ومنغث منها وانته ثنتين الله يعينك
عزيز : عالاقل الثانيه باختياري وحبيبتي من قبل لا اشوف هالشيفه اللي فوق
مبارك : ليش ماتزوجتها من الاول
عزيز : وامك تعطي مجال الله يهداها بس
لف فهد علا محمد :اقول لاتفكر تاخذ اختههم الحب مايطلع الا علا بذره
حس بغصه محمد : لا ساره غير شكو فيهم هي
فهد : ي حليلك انا قبلك "تمسكنت لين تمكنت
مبارك : بنات خالتي مريم عجيبات فوق بلاويهم بلاوي
ناصر : الله يسلم خالتك مريم على هالتربيه
محمد ساكت ويفكر بعدين قال: مو شرط ان اثنتين نفس الطبع يعني ساره نفسهم
عزيز لف علي وتنح : محمد تبي راحه وخر عنهم ياخوي ماتذوق الراحه كلهم نفس الطبع ولا ماتقولي ليش محد خطبهم غيرنا بافعلاهم الشينه وانا ودي اطلق بس اخاف علاقة امي و وخالتي مريم تنقطع والسبب انا
فهد: انا نفسك بس شكو لله ي اخوي
عبدالله : الله يعينكم انا عندي جوريتي فديتها ماليه علي حياتي
ناصر :ايـه تربية اخوك هذي ويأشر على نفسه
عبدالله :وانا اقول شفيها تثقل مرات وتمصخ بالغشمره منك النويصر
محمد : ههههههههههههههههههههههههه خوش خوش والله

العصر كانوا مجتمعين عالبحر كلهم و حمد يفكر بطريقه تبرد جبده
واهو يشووف شوق وبقلبه لقيتها ههههههه هين
شوق قاعده عند خالته حصه وتسولف معها وامها مو معبرتها كلش

والبنات كانوا يتمشون
وملاك ودلال وابرار قاعدين بصوب سوالف وحش هذي طبيعتهم
عند ساره دق تلفونها
ساره :الو
محمد:خدج حلو
ساره استحت :شلونك
محمد : تمام ساره ابي اشوفج اللحين
ساره: لا ماقدر اصلا شكو
محمد :شنو شكو انا ابي اشوفج واقعد معاج
ساره :انزين اشوف وارد لك خبر
محمد: ماشي ي عووومري
ساره :هههههه

....
راحت لعاليه :علوي تكفين انقذيني ..
عاليه: شفيج ؟
وقالت لها
هيا : روحي واحنا نغطي عليج
ساره :اكيد
عاليه :اكيد بعد هذا اخوي عين السيح
ساره :مصيبه صابتج يعني مو عشاني
عاليه : واااي شيفكني من لسانها هذي
ساره توها بترد ولا تلفونها دق محمد
ساره : انا بروح الحين واذا رديت لي تصرف ثاني معاج
عاليه تاخذ لنعال يعني بطقها وماشافوا الا غبرت ساره
عند محمد اتفق معاها ينطرها صوب الباب الخلفي للمطبخ وكانت الساعه 5 العصر
وصلت ساره وكانت لابسه تنوره قطن تيفني ولي فوق الركبه وفلات ابيض من الدو
وقميص شيفون ابيض حفر فاتحه اول زرارين واصل لي لحوض وداخل بلوزه علاق استرج بيضاء وسكارف مسويته مثلث ورابطته علا رقبتهالونه تيفني ومكياجها فونديشن مايل لبرونزي وايلاينر لانكوم ومسكرا من تايقر اتج ار وكحل بيج داخل العين ومن برى محددته خفيف بالكحل الاسود وحمره مشمشيه من اف سان لوران وعطرها جست كافالي
راحت له
اول ماسكرت الباب الخلفي للمطبخ لفت وشافته جدامها كان طوييل حيل
محمد قرب منها : هلا هلا هلا ابوي الزين كله والله
ساره : محمد اذا بتقعد تقول جذي بطلع
محمد : لا خلاص بسكت انا ماصدقت تجين مجنون اهدج وبعدين امشي نتمشئ شوي بدال وقفتنا جنا حراميه
ساره : يلاا

بعد فتره
محمد: شهالقصر اللي انتي فيه ي قززمه
ساره انصدمت : منو القزمه ترى طولي 163 انت الطويل بزيادة طولك خبال الصراحه
محمد قعد يضحك
ساره :و الله صج انتواعيال خالتي منيره عملاقه يمه تخرعون
محمد : هههههه ها لاتاخليني اطلع قوتي عليج ي ويلج ترى
ساره : حبيبي اللي يمد ايده علا مره مو رجال ولا شرايك
محمد بينرفزها : لا رجال وولد رياجيل بعد

عصبت وتخصرت وقفت جدامه : يعني عاجبك ان شاءالله ؟؟زين قلت لي عشان ماتزوجك
واهي جدامه قام ودلدغها واهي انصدمت وقعدت علا ارض نقطتة ضعفها هالحركه
محمد : ههههههه ها وين لسانج ويكمل
ساره : ههههههههههههه خلاص هههههههههههههههههههههههههههههههههههههههههههههههههه هههههههه محم هههههههههههه خلاص (تحاول تمسك ايدينه ) هههههههههههههههههههههه ومسكتها خلاص ما اعيدها والله
محمد :عبالي بعد يلا اعتذري
ساره :شعتذر ماقلت شيء انا (وقامت ترجع وراء شوي )
وركضت ومحمد يلحقها وراها واهو سريع نتيجه لياقته ومسكه بسرعه : هاه بتنحاشين



 

 



رد مع اقتباس
قديم 11-15-2013, 09:40 AM   #5
شَـعـلـؤمـة ,!!


الصورة الرمزية ؤحَشتنئ سَؤآليفك,#
ؤحَشتنئ سَؤآليفك,# غير متواجد حالياً

بيانات اضافيه [ + ]
 رقم العضوية : 43220
 تاريخ التسجيل :  Nov 2013
 أخر زيارة : 08-28-2014 (04:51 AM)
 المشاركات : 44 [ + ]
 التقييم :  10
لوني المفضل : Cadetblue
افتراضي



البارت 4
يلا اعتذري
ساره بتعب : خلاص حمود عفيه ما اعيدها

عند البنات
كانوا يسولفون جت حصه تسال عن ساره لانها فقدتها
حصه : بنات وين ساره؟
عاليه : تبين شيء خالتي اهي راحت ترتاح بدارها
حصه : زين اشوه وراحت
شهد : دقي علا الخبله خليها تجي لاتصير لها سالفه قالت نص ساعه وصارلها ساعه شتسوي هذي
عاليه : اي بدق الحين
وبلغت ساره
عند ساره مستحيه :انا بروح حمود يلا بااي
محمد اهو وده ماتروح : خليني اوصلج علاقل
ساره :اوك
بنفس الوقت شوق كانت بالمطبخ تسوي كيك مارشملو
وكانت اخر مقاديرها خلصت وتبي تدخلها الفرن واهي قبال الدريشه سمعت صوت همس
شافت وياليتها ماشافت
محمد ماسك ايد ساره يسحبها صوبه واهي الدزه وهو ميت ضحك عليها
ساره : محمد خلاص شفيك وخرر
محمد : ماني هادج كيفي
ساره : وااي بتجيب لي الفضيحه هدني وددزته وتفتح الباب اللخلفي وتدخل اول مادخلت شافت شوق على يمينها وقبالها الدريشه ومفتوحه وشوق متنحه فيها
انـــــــــــصـدمــــت كلش ماتوقعت احد يعرف بعلاقته بمحمد بس البنات يدرون
جان تطير تطلع برى المطبخ ودقت علا محمد وبلغته

شوق تذكرت كلام حمد (ليش يجذب ويقولي محمد يحبني مو حرام يلعب بعصابي ) حسست ددموع علا خدودها مسحتها بسسرعه قبل لا احد يجي
بعد ربع ساعه خلصت الكيكه وطلعتها من الفرن وحطته عالطاوله وسكرت الفرن ماحست الا بأيد تسحبها صوبه وشهقت : أأأأههئ
محمد سد فمها : اششش
اخترعت شوق
محمد : ان سمعت انج مو صله خبر لاحد عن اللي شفتيه ولا حسيت بشيء وربي ما ارحمج لا اخلي حياتج جحيم
محمد بحده :فاااهمه
شوق مصدومه وتطالع فيها ودموع بعيونها وراه ساره وشهد متخصرات
محمد بعصبيه : ررردي
توه بيمد ايده عليها ولا صوتها اقرب للهمس : فاهمه والله فاهمه واهي تشاهق وتحط ايده علا فمها
محمد : حلو خلج جذي انتي ماشفتي شيءعدل
شوق : بس
قاطعه وبحده واهو يطق راسها بأيده : عــــــــــــــــــــــــــــــدل ولا لاء
شوق مخترعه هزت راسها بأي : ع دددد ل
وطلع من الباب الخلفي وسط ضحكات ساره وشهد
ساره : زين نفعج حمودي حبيبي واهي تمد اخر كلمه
شهد : هههه يلا امشي انا قلت لج هذي لا تهش ولاتنش
ساره : ههههههههه
طلعوا
عند شوق قعدت علارض وقامت تبجي وتشاهق ماقدرت تمنع نفسها بروحا مجروحه من اللي شافته واساسا ماراح اتكلم بس شهد وساره لعبو بعقله ان شوق هددتهم واهو صدق ..
حست روحها مختنقه طلعت من الباب الخلفي ومشت بالممر وكانت تبجي لين طلعت صوب البحر قعدت جنب السور مال شاليه اللي يطل علبحر واهي تبجي بعد نص ساعه دخلت وراحت غرفتها وقفلت علا نفسه الباب

ساعه 11 بليل كانو عاليه وشهد وهيا وساره وابرار يسولفون
شوق بغرفتها
جوري عند عبدالله يتمشون صوب البحر
والشباب بدوانيه واللي مطلع القارب ماله عشان الحداق باجر وكانو يجهزون يضبطون شغلهم واذا في شيء ناقص
وكانو اهم خالد ومحمد ومبارك وعزيز
عندد البنات داخل
ساره بهمس لهيا: اقول انتوا جنكم نسيتوا وعدكم لي وتخلوني انتقم من هالشيفه اللي فوق
عاليه بخباثه : لا مانسيت ي حلوه عندي لج خوش فكره بس لازم تطلع من غرفتها هذي
وانتبهت ابرار لهم: شفيكم ؟\
قالت عاليه لابرار السالفه وتحمست ابرار ماخافوا علا هالمسكينه اللي فوق
واتنفقوا البنات قالت عاليه: انا اروح لها وانززلها بالغرفه اللي بأخر اللمر وانتوا بدعوا داخل اوكي
البنات :ماشي
جهزوا غرراضهم
راحت عاليه وطقت الباب علا شوق
فتحت الباب شوق واهي علا عيونها نوم
عاليه :قوه شواقه ؟
شوق : هااا !!! /:
عاليه : هو شفيج شفتج مانزلتي قلت اسأل عنج (بقلبها شوق غريببه بتسأأل عني شنعدها في شيء لاحرام مابي اظلمها )
وكملت عاليه : شوشو شرايج تنزلين تقعدين معاي علا فلم لاني متمملله وزهقانه والبنات اكشتوا فيني ونامو نقره لعرض الصورة في صفحة مستقلة
شوق مستحيه : اوك دقيقه بس
راحت بدلت بجامتها ولبست بنطلون قطن رمادي وبلوزه رماديه لي نص الفخذ علا صورة ميكي وغسلت وجها وراحت معاها
شوق اول مانزلت راحت يمين واستغربت لما عاليه كملت سيده
عاليه : امشي الغرفه هذيك مريحه حيل امشي نقعد فيها
شوق مو متعوده علا عالية ومستحيه حيل منها
فتحت الباب عالية و وكانت واقفه عند الباب كانت الغرفة ظلمة وكانت شوق واقفه بعدها
عاليه : شواقه تعالي شفيج دخلي
دخلت شوق وااول مادخلت دزتها علا الارض وصكرت الباب وقفلته بمفتاح

عند شوق سيده ركضة للباب بتفتحه بس مقفل ما حست الا باحد يسحب شعره و وبقوها وشاد علا شعر ها
وبعدها حست بماي بارد انكت عليها خلا تشهق شهقه قويه وكانت مغمضه عيونها ولما افتحتها وي ليتها مافتحت
كانوا البنات حاطين علا روسهم ربطه سوده فيها ليت احمر * واذ نزلوا روسهم تطفي وجنها عيون وظلمة ماتشوف شيء
شوق بس شافت جذي صرخت صرخه من قمة راسها : أأأأأأأأأأأأأأأأأأأأأأأأأأأأأأأأأأأأأأأأأأأأأأأأأأ أأأأأأأأأأأأأأأأأأأأأأأأأأأأأأأأأأأأأأأأأأأأأأأأأأ أأأأأأأأأأأأأأأأأأأأأأأأأأأأأأأأأأه
استلموها البنات بطق واللي تجر واللي ترفس و اهي خايفه عبالها مو انس وتصارخ وتستنجد وصرااخ
عند محمد وعزيز كانوا رايحين وراء شاليه المخزن بيجيبون اشبك مال الصيد وسمعوا صرخه وفجااه اختفت
عزيز : بسم الله شهالصوت
محمد: الصوت جاي من هالصوب امش
وراحو ليصوب الغرفه وكانت الدريشه ربعها مبطله من حسن حظ شوق
شوق بصوت ضعيف وبشهاق :
هدوني ه د وني أأأأأأأأأهئ ااااه يمه
محمد منصدم
عزيز : صوت شوق
شوق : اااه ااه ااااااااااااااااااه اااه اااه مع صوت طق يسمعونه
محمد بسرعه فتح الدريشه بينقز ولا يشوف اعيون حمره واكثر من 5 عيون نقز واخترع : بسم الله الرحمن الرحيم
عزيز بيشوف محمد شيشوف وسحب الدريشه حيل وجر ستارة مالت الغرفه وبينت الملابس وتعرف علا البنات
نتيجه لل كشاف اللي بصوب الغرفه لما سحب ستاره دخلت لاضاءة داخل الغرفه
محمد : هذا انتو ؟؟؟؟
وودخل بعصبيه مع عزيز وفتح ليت عزيز محمد انصدم لما شاف شوق تون واهي طايحه وشعرها متقطع نصه طايح بالارض
عزيز عصب لف عليهم :بشر انتو ولا حيوانات. لا يمكن الحيوانات فيها رحمه شوي ماشاالله وانتي وياهم ي هانم
شاف الحزام سحبه وطق خواته ومرته معاهم واهم يصارخون ماتحملو العوار
ساره تطالع بمحمد
ساره : محمد انا ..قطع عليها صوت الكف اللي من قوته ماتحملته
انصدمت ماتوقعت محمد يطقها وصفقها كف ثاني وطاحت منه
محمد واهو يشيل شوق اللي شبه ميته بحظنه وتون : عمري ماتخيلتج بهالبشاعه قالولي خواني وماصدقت الا لما شفت بعيني
ساره تصارخ : محمد لااااا لاتخليني مالي شغل كله من خواتك انا مالي ذنب
ما حست الاوعزيز يتلها من شعرها واستلمهم طق
عزيز كانت منبطة جبده من مرته وتصرفاته وحط الحره فيهم كلهم
اما محمد طلع من الدريشه لان الباب مقفول وكانت الدريشه كبيره وسهل تدخل وتطلع
محمد واهو شايل شوق تون : آآآه آآآه ب مو ت
كسرت خاطره وبسرررعه قام يركض لان راسها مجرووح ومفتوح الجرح بشكل كبير
شافه مبارك من بعيد وظلمه ومو منتبه : انت وينك ساعه عشان تجييب شبك
ناصر بطنازه : ثقيل عليج يمه ماتقدرين تشيلينه
مبارك وناصر : ههههههه
ولما قرب محمد انتبهو
مبارك ركض: شفيها
محمد: يمشي تكفى مو وقتك عطني سويج سياره اي سياره بسرعه بتموت بيدي
ناصر اللي اخترع من منظر شوق لدرجة انه فروة راسسها مبينه واضضحه حيل من كثر يسحبون شعرها وشوق فيها نقص فيتامينات وكالسيوم مو مهتمه بنفسها فاسهل عليهم سحبة الشعر : امش بسرعه معاي سويج سيارتي
وبسرعه ركب سيارة وحط شوق ورااء قعد عندها وناصر يسوق بسريعه
محمد : بسر عه نناصر تككففى
بعد فترة وصلو المستشفى قسم طوارئ بسرعه دخلوها العمليات
قعدوا علا الكراسي
محمد :لاحول ولاقوة الا بالله
ناصر : اهي شفيها ؟ وشلي صار فجأة
قال محمد سالفه كلها
ناصر : حسبي الله ونعم الوكيل هذيل بنات ولا جنون لعنبوهم مارحموا هالمسكينه بيوقفون قلبها
بروحها كافيه خيرها شرها
محمد بقلبه متضايق متحسف علا اسلوبه معاها بالمطبخ والله ماتستاهل بس مادري شفيني من اشوفها جني شايف عدوي
الله كريم
بعد ساعه طلع الددكتور وطمنههم عن شوق انه حالته شبه مستقرة وخيطو لها الجرح وكان فيها كسر بيدها وجبسوه لها
وبعضض الرضوض بجسمها بس بتخف مع الايام
الدكتور : ممكن اعررف شنو سسبب اللي خلي البنت بهالحاله
محمد ماعرف يرد
ناصر طرت باله فكره : دكتور في جلب مسعور يحرص الشاليه وكان المفروص الدكتور البيطري يعطي اللابرة بوقتها بس صارت له ظروف واهي الله يهداها تحب الجلب وماتدري انه مسعور و بلغلط فتحت السلسله وهجم عليها واللي تشوفه
دكتور فيه نوع من الشك : انتو شتصيرون للمريضه ؟
محمد بقلبه هلاهلا بدا الاستجواب الحين يقول خاطفها بروحها بنت جيرانا
محمد : بنت خالتي
الدكتور : وابوها وينه
محمد بحده : يعني دكتور السالفه صايره 12 بليل وتبيني اخرع رجال كبير بالعمر ان شاءلله لي طلع الصبح اخلي يمرك
الدكتور : ماشي ضروري يجي
ناصر : ان شاءالله
محمد: نقدر انشوف المريضه

الدكتور بنظره :لا ممنوع
ناصر :ليش ممنوع؟
الدكتور : المريضه نايمه ومحتاجه راحه واي حركه ممكن تسسبب لها أذى وزياره ممنوعه بعد 24 ساعه تنفتح الزياره
محمد يخخز الدكتور
نااصر : مشكور دكتور
الدكتور : العفو عن اذنكم
لما راح الدكتور
ناصر لف على محمد : انت اشفيك شوي وتكفخ الدكتور
محمد : ي خي غثني ماتشوفه شلون يطالع
ناصر : مالنا شغل فيه اهم شيء انها بخير
محمد: وليه الحين شنقولهم لي سألوا عنها
ناصر : انته من صجك محد سأل عنها ولي سألوا قلنا لهم
محمد: اي والله صح وجوري الدعله هذي اخاف تنتبهه
ناصر : جوري اخذها عبدالله وراح لان وراهم سفره بعد يومين
محمد بشك : واذا دروأ
ناصر بقلة صبر : محمد شفيك يبا محد سأل عنها امش بس ولي سألوا بعد 24 ساعه تكون اهي طلعت من المستشفى ..
محمد : يالله امش اجل
وراحو اشاليه
الساعه * الفجر مبارك وعزيز قاعدين والكل نايم
عزيز ايده تعوره من كثر الطق : اخ يالقهر بسس
مبارك : حسبي الله عليهم على الطق اللي طقيتهم ليلحين مابردت حرتي
عزيز : اقص ايدي اذا فيهم رحمه هذيل
وقطع عليهم دخول محمد وناصر : السلام عليكم
مبارك وعزيز : وعليكم السلام
مبارك : وين شوق ؟
محمد : منومه بالمستشفى ومانعين الزياره بعد24 ساعه تفتح
مبارك : شقال الدكتور وشفيها
ناصر : دخلوها العمليات وخيطوا راسها وايدها فيها كسر وشوية رضوض
عزيز: ما سأل الدكتور عن السبب ؟
ناصر : امبلا سأل بس صرفته
مبارك : غرد شقلت ؟
ناصر : جلب مسسعور عندنا هجم عليها
عزيز : لا والله ومن وين لنا جلب والمسعور مايسوي جذي
مبارك : شهالغباء ؟ باين انها طاقها احد
ناصر : المهم صرفته ومشت عليه اما محمد اشوي ويكفخ الدكتور علا نفسية الخايسه
مبارك : عز الله دايم هذي نفسيته
محمد: وبعدين ييعني ؟ماعندكم غيري اليوم اروح انام احسن
مبارك : وانت من اهله رووح
عزيز : بس ديربالك لا تكفخ سريرك عبالك عدوك خو احلامك واجد
ناصر: ههههههه
محمد : عاد ضحك هذا شيسكته اعجبتك السالفه (وطقه بكتفه ) اروح احسن وراح محمد
مبارك : الحين لي سألوا عنها شنقول ؟
ناصر : محد سأل ولاتجيبون سيره لحد
عزيز : انت من صجك شنو محد سأل عبالك مالها اهل البنت
ناصر :يبا ابوها ماتهمه بنته وخالتي شيخه عادي عندها وماتهتم
مبارك : حتى لو هذي ضناهم واللي لهم بدنيا مهم صار ..
ناصر : تحداني ؟؟
مبارك يطالع عزيز بستغراب : شلون ؟؟
ناصر : لاتجيب سيره لهم ولي فقدوها لك اللي تبي ؟

عزيز : ناصر السالفه مو هينه حاطها تحدي انت
ناصر : اسمعوا كلامي انتوا ؟ خلال 24 ساعه اذا افقدوها و اهي تكون طلعت من المستشفى
مبارك ومو مطاوعه بسالفه وومترردد : ماشي بشوف اخرتها بس ان صار ماصار دست بطنك ي نويصر
ناصر شبه ابتسامه : خير ان شاءالله وبعيد عليك
******
9 الصبح عند البنات بالغرفة شهد وهيا
شهد : اآآآآه يكتفي
هيا: يمه راسي احسه بينبط امبارك مومنصجه شلون طق راسي بطوفه يمه احسه بينفجر (راسها في رضه بنفسجيه ) وتبجي
شهد: انتي شلون خليتينا ورحتي هانت عليج
عاليه :اي شدراني ؟ سمعت صوت عزيز داخل تخصبقت وانحشت والله انكم حقيرات شلون تعلمون علي
شهد : مو انا اللي قلت لمبارك هاذي ساروا االحقيره
هيا: يمه حقيره انتي شفتيها شتقول لمحمد قطتها فوق روسنا وانه احنا اللي بننتقم واحنا سحبنها واهي مالها شغل
شهد: اأأه حقيره ان شفتها دست بطنها هالحيوانه كله عشانها وسوت فينا جذي
عاليه : معلوم خواتها وتقصر صوتها ابرار ودلال شلون ماتطلع نفسهم
شهد : اااخخخ ابس ان شفتها دست بطنها
هيا : اخاف مبارك يقول لامي
شهد بتوتر : الله يستر ماراح اطلع من غرفتي
هيا : ولا انا
عاليه : اأأ ه (وتنسدح علا السرير ) ظهري يعورني
شهد : انا رجلي ماقدر امشي منها احسسه مكسوره وعزيز مو منصجه جنه يرفس حيوان مو ادمي
هيا : اذا تحركينا مافيها شي شكلها رضّه فيج
عاليه : الا ابرار شصار ععليها ؟
شهد :شدراني لما خلص منا لحقها عزيز لغرففتهم واظاهر اكلت طق نفسنا
عاليه بحقد : احسسسن عساها بهاللحال واردى
شهد وهيا : اي والله
***لاتستغربون انهم سووا هالمقلب بشوق وابشع مقلب بس الحقد على انسان يسوي اي شيء حتى لو اشخاص يكرهون بعض بس يضرون شخص حاقدين عليه يتجمعون كلهم عليه نفس ابرار وعلاقتها بحمواتهاعاليه وشهد وهيا كانت متوتره حيل علاقتهم بس عاليه تدري انه ابرار فيها حقد وماتوطن شوق عشان جذي قالت لها ولي صار ماصارر تاكل طق ابرار لاانه عاليه اذكى من ابرار بواااجد ***

عند ابرار وودلال وساره بغرفة ساره
ابرار تبجي : اااأأه يمه بموت من العوار
دلال : قلعتج تستاهلين ولا انتي شكو فيهم وانتي ثانيه (تكلم ساره ) شكو رايحه معاهم مالج شغل فيهم ان شاء الله يدوسون بطنها
ساره خافت : اي شدراني قالوا مقلب خفيف مادريت انه جذي
ابرار: اوريه هالعزيز هين بس خل اشوفه


 

 



رد مع اقتباس
قديم 11-15-2013, 09:41 AM   #6
شَـعـلـؤمـة ,!!


الصورة الرمزية ؤحَشتنئ سَؤآليفك,#
ؤحَشتنئ سَؤآليفك,# غير متواجد حالياً

بيانات اضافيه [ + ]
 رقم العضوية : 43220
 تاريخ التسجيل :  Nov 2013
 أخر زيارة : 08-28-2014 (04:51 AM)
 المشاركات : 44 [ + ]
 التقييم :  10
لوني المفضل : Cadetblue
افتراضي



البارت 5
دلال : شبتسوين هالمره ؟
ابرار بحقد : بعدين تعرفين قطيعه تقطعه الله ياخذ عمره ان شاءالله
ساره ودلال : امييييين (من قلب )
دلال : مالت عليكم ماطلعتوا نفسي مخليه فهد خاتم ب ااصبعي مايسوي شيء الابشوري (واهي ماتدري عن فهد وسوالفه بس عشان يفتك منها ومن حنتها )
ابرار لفت علا ساره : شصار لمحمد لما درى ؟
ساره بقهر: شدراني عنا انا اوريه والله لادفعه ثمن هالكف اللي عطانيا عشان اسحيله
ساره تطالع وجها بالمنظره : وآآي لا وجهي راح (وتقعد تبجي )
دلال : عندي كريمات تخفي هالجروح وبجيب لج كمادات
ساره : تكففين علا ايدج الله ييخليج انا وراي سفره بعد 5 اياام مابي اروح وانا جذي وجهي
دلال : قلعتج تستاهلين من اللقافه الزايده
ساره : اووووه خلاص عاد بس فكينا
ابرار : جيبي لي شيء معاج تكفين احس جسمي متكسر
دلال : ماشي انطقوا اهني ولاتروحون اي مكان ولا يشوفونكم حمواتي عشان لا يفرحون
وطلعت ...
3 العصر
عند حمد وناصر صوب البحر
حمد : ههههههههههههههههههههههههه والله مو هينين البنات كل هذا يطلع منهم
ناصر : وشفيك فرحان لهدرجه
حمد : بس تصدق حرام علا عزيز ومبارك يطقهم ليش وعشان منو عشان ام السعف
ناصر : حمد عاد صج نتطنز عليها ونضغطها بس عاد ماتوصل لهدرجه وولي هالوقاحه
حمد يتطنزز : ومحمد من متى هالحنيه اللي فيه موديها المستشفى خبري في تلوع جبده من يشوفها
ي عومممري على هالقلب بس ههههه
ناصر : طول عمرك جذي ماتغير
حمد : وانا صاج اقول بس فكنا من هالسيره وامش نطلع الجتات وقام
ناصر: يالله
********
عند محمد ومبارك وعزيز وفهد وخالد طالعين الحداق
مبارك : بس محمد وقف اهني
محمد: اوكي
عزيز : ماشاءالله اليوم الجو حلو مال صيد
مبارك : اي والله
فهد: شصار لشوق مادقوا المستشفى قالوا شيء
محمد : لاء وبعدين مامرت 24 ساعه تو الناس
مبارك: والله كاسره خاطري هالشوق
محمد: ي بو قلب رقيق انته دام كاسره خاطرك تزوجها لاتهش ولاتنش

مبارك: انت تدري انه شوق نفس اختي فلا تقعد تفلسف وزواج ماراح اتزوج
عزيز يفكر :اقول ليش ماتزوجها حمود تصلح لك انت بطيني تبي اكل وطباخ ووحده مالها صوت كل هالصفات لشوق
محمد بلوعة جبد مايتخيل شوق زوجته : الله يلوع جبدك ززين لو اخر بنت بدنيا ما اخذها صج علا قولتك الصفات اللي ابيها فيها بس انته شايف وجها باللاول سسسسحت لو شنو ما اخذها ابي لي قمت الصبح اصبح علا ملاك قمر دلع مو علا ام سعف اهي ونظراتها جنها طالعه من الطب نفسي
طالع فيه مبارك تضايق ممهما كان مايحب احد يتكلم عليها : يبا اذا مو عاجبتك ماله داعي تكلم عليها جذي وتقول اعيوبها مهما كان
محمد : انتوا اللي حديتوني اقول جذي
فهد : بس اهي تحبك والكل يدري من تصرفاتها
محمد بعصبيه : ادري وحبتها القراده زين غيروا هالموضوع احسن
مبارك يخزز ب اخوه ومعصب لف راح يطلع الشبك مع عزيز

وكملوا شغلهم ....
عند منيره وحصه ومريم
قاعدين داخل بصاله وفاتحين الباب من قزازكبير وسحب يعني يشوفون الرايح والراد والبحر جدامهم
حصه : اقول وين شوق من امس ماشوفها
منيره : مادري اخاف فيها شيء
حصه تحط ايدها علا قلبها : ي حسرة قلبي
مريم بنرفزه : وآآآآآى و وبعدين مع هالشوق ترى لوعتوا جبدي فيها اكيد بغرفتها ونايمه فكونا من هالسيره
وقولوا لي ما حجزتوا حق لندن ؟
حصه متضايقه : مريم ترى ما اسمح لج تكلمين عنها جذي مهما كان بحسبت بنتي هذي
مريم بقلة صبر : حجزتوا ولا لاء
منيره : لاء
مريم : ليش شنو ماراح تلحقونا خو عيالج فهد وعزيز بيجون مع بناتي و وبنتج ملاك مع ولدي خالد
منيره : مالقيت حجز يمكن الحقكم انا وبناتي بعدها با سبوع من سفرتكم
مريم : وانتي حصه
حصه : مادري
مريم : وشنو اللي ماتدرين
حصه متضايقه ممنها وماتبيها : بشوف ناصر ان شاءالله وارد لج خبر
مريم : خوش اجل بروح اشوف الخدامه سوت الكيك ولالاء
لما راحت
حصه لفت على اختها : انتي شكو تقولين لها بتحجزين وتروحين هاه مو كافي اللي جانا من وراى راسها بسفره اللي طافت
منيره مو بأيدها شي: اي شسوي لازم اطاوعها واروح معاها لاتنسين ولدها ماخذ بنتي اخاف تضر بنتي بشي
حصه : حبيبتي لاتخافين على بنتج ماخذا حقها وزياده ومسكته مريم
منيره : هو حصه شهالحجي ؟
حصه: وانا عند ربي صاجه
منيره : بس هذي بنتي وما ارضئ احد يتكلم عليها
حصه : وبنتج جنها بنتي بس بنتج الله يهداها خل تعدل اسلوبها شوي مع الناس بدال ما اهي رافعه خشمها علا عليهم
منيره : شتبيني اسوي تعبت وانا انصح فيها بس ماكو اذن من طين واذن من عجين
^^^ الساعه 6 المغرب
عند شيخه وسالم يتمشون عالبحر
سالم : هاه شيخه ترى بس اربع ايام حلوين بشاليه عاد خلاص لازم نرجع
شيخه واهي ماودها : اي ليش يعني خل نقعد يومين ازياده
سالم: وراي شغل انا عشانج جيت
شيخه : وعشاني ببعد اقعد يلا عاد
سالم ابتسم : ماشي اللي تامرين فيه بعد ماقدر ازعلج
ابتسمت شيخه : الله يخليك لي ويخليني لك يارب
سالم بهيام : امين
سحب تلفونه ودق علا مسئوله بدوام (اهو رفيجه حيل فا يمشي سالم بأي شيء يبيه ) دق عليه وطلب اجازه يومين ازياده ومشاها له رفيجه ....
سالم : زين ارتحتي جذي
شيخه بوناسه : ااااااي (شكلها اصغر من عمرها للي يشوفها يقول توها تحت اثلاثين ولا وحده عمرها 48 لانها مهتمه بنفسها حيل ونادي ماتهده ابدا )
(ماجنه عندهم بنت ي حاتونها ومافقدوها لاتستغربون لانه من طلعت علا الدنيا مافي يوم كلف نفسه سالم وقعد مع بنته ونفس الشيء لشيخه موحاسين بوجودها وموفاقدينها )


وكانوا يتمشون شوي ولا يسمعون صوت الطراد
سالم : ها كاهم شرفوا ان شاء الله خوش صيد عاد
شيخه : ترى انتوا اللي بتشون مالنا شغل احنا ي الحريم
سالم بقهر: اه منكم بس
شيخه : ههههه
وصلوا الشباب ومعاهم ثلاجه صغيره حاطين فيها السمج عشان لايخرب وداخله ثلج
شيخه : هاه بشروا
مبارك : لا اليوم خوش صيد
محمد : عاد اليوم الجو عجيب طافك نص عمرك
عزيز : انا شهد ان شاءالله كل يوم جذي الجو حلو
سالم : يالله الجايات اكثر
محمد راح داخل يتسبح عن ريحت لزفره ومعاه عزيز
مبارك نادا الخدامه تاخذه الثلاجه وتضبط السمج عشان الشوي
الساعه 8 بليل
الكل مجتمع برى وقاعدين علا الكراسي وسوالف وضحك
وشباب يشون اللي اهم ((الكبار)سالم ونواف )وناصر وخالد
ناصر : يعني بس احنا الي نشتغل قوموا هزوا طولكم اشوف
مبارك : والله عاد احنا اللي صايدين السمج اللي ماراح معانا عليه الشغل
حمد : هاا جنكم تقصدوني
عزيز : اللي علا راسه بطحه
فهد : قوم هزز طولك اشوف علا قولت ناصر ههههههه
حمد : اقول استريحح
منيره : قول اشتغل معاهم عشان تطبخ لامرتك باجر
الكل : ههههههه
حمد :لا والله هذا اللي ناقصني تخسي اطبخ لها عيبا علا الرجال يخدم مرته
مباررك: مافيها شيء
منيره : عاد يا عندي لك خوش وحده تصلح لك
حمد : اعوذو بالله اقوم اشتغل دام فيها وحده وزواج وقام يعاون ناصر بشوي وسالم وخالد يقصصون ويجهزون
عزيز : ههههه انححححششش
محمد كان ساكت ماله صوت وعينه علا ساره تحسف انه مد ايده عليها ويدق علييها وماترد وانصدم لما درى انها احذفته من البي بي ام
ساره قامت واهي تدري انه محمد بيلحقها راحت داخل صوب المنظره مالت الحمامات تعدل شكلها وتشوف الاثار اللي بوجهه خفت ولا لاء ومغطيته بالميك اب
ممحمد وراها : تعورتي ساره والله مو قصدي
ساره لفت عليه : قصد ك ولا لاء شوف وجهي شسويت فيه عاجبك جذذي مشوه وجهي عشان البقره هاذي
محمد متضايق وحقد علا شوق وانه اهي السبب للي صار : انا اسف وحقج علي واللي تبينه انا حاظر
ساره بوقاحه : اسفك مو مقبول
محمد: انتي تدرين انا ماحب انزل نفسي الاحد او اعتذر بس انتي غير عندي
ساره : ولله عاد مالي شغل فيك اشوف وخر عني
راحت وتركت وراها محمد مجروح منها حس انه كرامته راحت وانمسحت واهم شيء عنده كرامته بهاللحظه حقد علا شوق حييييل كره اكثر من ما اهو كارهها
^^^^
الساعه 12
الشباب متجمعين ومسوين لهم سهره برى وسمره (سوالف الشباب عاد تعرفونهاdنقره لعرض الصورة في صفحة مستقلة
ناصر لف علا مبارك : هاه شقلت لك انا ؟؟؟ وببتسامه
مبارك ساكت
عزيز : مادقوا المستشفى ما قالو شي
ناصر : محمد اللي عطاهم رقمه رقمي مو عندهم
مبارك لف يدور محمد لقاه قاعد صوب الجال راح له
مبارك : شفيك ؟
محمد : مافيني شي
مبارك : انزين مادقوا المستشفى عليك
محمد: امبلا من 11 دقوا علي يبلغوني انها رخصوها
مبارك بحده : وليش ماقلت
محمد : ماتستاهل خلها تنطق هناك وراها اهل ملزومين فيها احنا مالنا شغل
مبارك بعصبيه : انت حمار هذي بنت تفهم يعني شنو بنت صارلها اكثر من ساعه مرخصه وانت ساكت ي خي شهالقلب اللي عليك
محمد بنفاذ صبر : اوووووووووه يبا تبي ترووح روح جيبها انت مالي شغل انا (وقاله اهي باي مستشفى وجم رقم غرفة الملاحظه )
مبارك : انزين ماشيي لي رجععت اوريك
محمد : اقول خل ابوها يرخصها لي يسوون لك سالفه وانت ماتصيرلها
راح مبارك وقال لسالم انه بنت بالمستشفى ولحين رخصوها ولازم احد له صلة قرابه يرخصها لانها قاصر (موفوق 21 )
ساعه 1 صبح
وصلوا المستشفى
مبارك عند الرسبشن سأل عن المريضه
وقالوا له انها مرخصه اكثر من ساعه
مبارك : ليش وينها الحين اهي
نيرس : بالاستراحة النساء
مبارك : ناديها لو سمحتي
نيرس : ماشي
سالم لف عليه : بذمتك الحين ساحبني طريق ساعه كامله عشان اكتشف انها رخصوا صج انك فاضي
مبارك : انت ماكلفت نفسك وسألت اهي شفيها
سالم مو مهتم : ولا ابي اعرف انا علا قعدتي من الصبح وساحبني معاك بعد
شوي وصل الدكتور الي يتابع حالة شوق
الدكتور :السلام
ردوا عليه : وعليكم السلام
الدكتور : منو ولي امر المريضه شوق
سالم ببرود : انا
الدكتور : المريضه لازم تهتمون فيها انا سويت لها تحاليل طلع معاها نقص حاد فيتامينات وكالسيوم وعطاه ورقه فيها الادويه المطلوبه
سالم : خير ان شاءالله
وصلت شوق مع النيرس ( راسها كان ملفوف بشاش مو واضح شعرها شوي منه بس وايدها اليمين مجبسينها وفيها رضّه علا خدها غير اللي بجسمها
مبارك : مشكور دكتور
الدكتور : العفوا ماسويت شيء
سالم : يالله مشينها
ومشى جدامهم
شوق تطالع ابوها تبي يسألها اهي شفيها توقعت هالشيء& بس كسر قلب بنته بصده لها ونزلت دمعه حاره حرقت خدها
وصلوا الشاليه ونزل من سياره سالم من غير لا يتعب نفسه ويسأل بنته
مبارك طالع فيها ومتضااايق حيل : شوق يبا شلونج الحين
شوق بضيييقة ودموع متحجره بعيونها : مو زينه
مبارك حاس فيها :في شيء يعورج حاسه بشيء تبين اوديج المستشفى
شوق تأشر علا قلبها وبصوت ضعيف ومهزوز: هذا يعورني منو يعالجه لي وقامت تشاهق
ماعرف شيرد عليها
شوق تطالعه واهي تبجي وماتشوف الا ضباب جدامها من دموعها : ليش مو انت اخوي ليششش
مبارك : وانا اخوج شوق واعتبرج اكثر من اخت ومعزتج وغلاج من غلات خواتي والله شاهد علي
شوق بس تبجي
مبارك نزل وسكر الباب وفتح باب شوق وقالها تنزل وساعدها ومسك ايدها وسكر الباب
وصلها لي داخل الشاليه وبصاله وقال : شوق ابيج تهتمين بصحتج وتمشين علا الادويه ما ابيج تهملين نفسج عششاني
شوق : ان شاءالله
الا بدخلت عزيز ومحمد
عزيز : هاه شوق حمد الله على السلامه وماتشوفين شر ان شاءالله
شوق : الله يسلمك
محمد يخخززهاا يتمنى لو يخنقها
مبارك : روحي ارتاحي فوق وبقول لخدامه تصعد لج الاكل واذا ما اكلتي شيء ازعل عليج والله
محمد : وانته ليش متعب نفسك بوحده سحححت ماتستاهل
مبارك بحده: ممحمد ي تقول كلمه زينه ي تسسكت وتفكنا من شرك ومو شغلك فاهم
محمد عصب : لاتصارخ علي عشانها تفهم منواهي حي الله بنت جيرانه لانعرفها ولاتعرفنها
مبارك قرب له واهو يرفع ايده : بتسسكت ولا شلون
وعزيز بينهم : بسس عاد شفيكم انتووا وانت محمد شفيك استخفيت ماقال شي مبارك انت من اليوم انته معصب عن الخبال عاد
محمد وخر ايد عزيز ولف علا شوق خززها وطالعا من فوق لي تحت وطالع برى


 

 



رد مع اقتباس
قديم 11-15-2013, 09:41 AM   #7
شَـعـلـؤمـة ,!!


الصورة الرمزية ؤحَشتنئ سَؤآليفك,#
ؤحَشتنئ سَؤآليفك,# غير متواجد حالياً

بيانات اضافيه [ + ]
 رقم العضوية : 43220
 تاريخ التسجيل :  Nov 2013
 أخر زيارة : 08-28-2014 (04:51 AM)
 المشاركات : 44 [ + ]
 التقييم :  10
لوني المفضل : Cadetblue
افتراضي



البارت 6

وشوق واه من شوق ماقدر اوصف لكم شعورها شنو كانت مجرووحه من ابوها ومتضايقه وكمل عليها محمد وكله علا شان منو ساره !!!
صعدت فوق بهدووء ودخلت الشقه وشافت امها وابوها قاعدين
شوق : السلام
شيخه : انا جم مره اقولج لما تدخلين طقي الباب انتي حماره وجم امره اقولج مابي اسمع صوووتج صوتج ينرفزززني تتففهمين ولا لاء
شوق سسكتت ودخخلت غرفتها هذا حال امها معاها بكل مكان
بعد يومين من هالاحداث الكل رجع بيته
الساعه * بعد الغدا
بيت منيره
مبارك كان بغرفته يسوي تمارين ضغط
طق الباب
مبارك :منو
عاليه بخوف من اللي صار اخر مره : اا انا ع اليه
مبارك واهو يضغط علا نفسه زياده ويكمل تمارين : ادخلي
دخلت وقفت عند الباب
عاليه : شلونك مبارك ؟
مبارك : خلصيني شتبين وعن الهذره الزايده
عاليه : انا اسفه والله ماكنت ادري بيصير جذي
مبارك قام وقف اهو وقف عاليه كشت وردت وراه مبارك مسبب رعب لخواته
مبارك : شوفي انا خشيت عن امي وخالتي وقلت انها طاحت من الدرج وصار لها جذي بس وربي ان سمعت انكم متحرشين فيها ولا مقربين لها مره ثانيه وربي ماتلومون الا نفسكم (وبحده ) فـــــــــــــــاهـــــــــــــــمــــــــه
انقزت عاليه مخترعه : ف ـاهم ه والله فا هم ه
مبارك هدى شوي : شتبين الحين ؟؟
عاليه : اسفه
مبارك : غيره
عاليه : ااامممم يعني لو سسمحت
مبارك فهم : وين بتطلعين ومع منو
عاليه ارتاحت : انا وخواتي
مبارك : وين
عاليه : 360
مبارك بتحقيق : ليش (واهو يقعد ويشرب ماي )
عاليه بتوتر وبقلبها حسبي الله علا عدوج ي هيا جانج بلشتيني معاه : بنروح سينما وبنتعشى وبمر جم محل وبنرجع

مبارك: اها يعني مطولين
عاليه : لا والله
مبارك : ماشي روحوا بس وربي ان وصلت الساعه 10 وانتوا مو بالبيت والله لخلي حياتكم جحيم
عاليه بخرعه : لا لا قبل العشر احنه اهني
مبارك : خففوا مكياج ماله داعي كثرته واللبسسوا شيء سسنع ومو ضيييق
عاليه : ان شاءالله وطلعت
اول ما دخلت غرفتها تنهدت : ااااه يمه قلبي
وانقزت عليها هيا :هاه بشري شقال
عاليه : وافق بعد ما ننششف ريجي
شهد : انزين يييالله بسرعه خل نلبس
هيا : تو الناس وين نطلع الحين لي جت 4 طلعنا من البيت
عاليه : لا ي حبيبتي مبارك منبه اذا تاخرنا وصلنا البيت عشر بيقلب حياتنا جحيم وانا ابي عمري ومو بايعه نفسي
شهد : اي والله صاجه
عاليه : انتوا تطولون انا بس عبايه وملفع البسوا بسسرعه يالله
البنات : اوك
5 المغرب
عند حصه بيت شيخه
حصه : اقول امشي نودي بنتج عند دكتور يعالج شعرها لتحوشها ثعلبه
شيخه : اووه والله مالي خلق بتودينها وديها انتي انا مالي خلق
حصه عصبت : مالت عليج من ام زين انا بروح اخذها وااووديه لايصير بشعرها شي واهي توها بشبابها
طنشت شيخه وقامت تلبس عشان سالم عازمها علا طلعه
حصه دخلت غرفة شوق
شوق سلمت علا خالتها : شلونج خالتي
حصه : تمام يمه شلونج انتي ؟
شوق : تمام الحمدالله
حصه : قومي البسي ابيج تطلعين معاي
شوق : وين
حصه :بعدين تعرفين يالله قومي
شوق: ان شاءالله.. لبست بنطلون رمادي سكيني وبلوفر اسود علا سنفور
حصه تطالع لبسها ومتضايقه
حصه :يمه ماعندج غير هالبس
شوق : ارتاح في خالتي
البست حصه عبايتها وملفعها وطلعوا
راحوا عيادة دكتور شاطر متخصص بعلاج الشعر بسالميه واهي ماخذ عنده موعد
الساعه 7 بليل
بيت حصه
بدوانيه
ناصر ومحمد قاعدين
ناصر : مارضت عليك لبرنسيسه
محمد : لاء كله من الخراا هذي اخخ بس
ناصر : هههههه اللي اهي شخبارها ؟
محمد: مادري امي تقول انه شعرها نصه طايح خفيف حيل صاير وتقول فروت راسه تبين
ناصر : بل بل على هالبنات شوااذي شوووووواذي
محمد بحقد: احسسسن ويمكن تحوشها ثعلبه
ناصر : لا امي ماخذه موعد عند الدكتور يعالج الشعر وان شاءالله تحسن
محمد : عساها بهالحال واردئ وتحوشها الثعلبه
ناصر : ي هب ي وجهك عساني ماصير عدوك كل هالحقد عشان سويره زعلانه بعد اهي الغلطانه مالها ذنب شوق
محمد بحده : الا لها ذنب ونص اهي تمنئ ييصير شيء بيني وبين ساره عشان ي خلا لها الجو وتقرب مني خرا بشكلها المعفنه
سكت ناصر حس انه لو تكلم ممكن يكفخه محمد ويعرف ولد خالته خبل ويسويها اذا عصب
محمد : قوم بس قوم خل النروح القهوه
ناصر : يالله مشينا شورانا

عند البنات 360
بعد ما طلعوا من السينما وراحو يتعشون فرايديز
عاليه : الا شصار عالسفره احجزوا ماحجزوا
هيا : محمد حجز لنا وله بعد اسبوع بنسافر
شهد : وييع مالي خلق اطالع بسويره اووف
عاليه : غريبه محمد شعنده بيسافر معانا العاده مايحب كله مع ربعه ولا بروحه
هيا : مو عشان ساره زعلانه الاخت
شهد : واااي والله قهر هالساره هذي تغث قطيعه بنات خالتي مريم يتلزقون بخواني لين ي خذونهم
هيا : الا عزيز كان يدقر ب ابرار ويكسر فيها بس امي خلته غصب ي خذها
عاليه : الله يهداها امي
ساعه 9 ونص رجعوا البيت
حمد كان قاعد بصاله
حمد : ما شاءالله وين كنتوا
عاليه : كنا 360 بس مستأذنين من مبارك
حمد :انزين ابي سويج سيارتج
عاليه : شتبي فيها
حمد بعصبيه: عطينيها وخلصيني عاد
عاليه سيارتها لاند كروز 2013 وحمد سيارته مرسيدس بس 2009
عاليه : اووووف وطلعت سويج السياره وعطته اخوها وطلع
هيا : اشوا ماطلب سيارتي (هذا حال حمد مايخذ الا سيارات خواته حتى لو عندهم شغل بس جذي نحاسه )
شهد طلعت غرفتها ولا بنزلة مبارك بيطلع
شاف عاليه متضايقه
مبارك : شفيج ؟
عاليه : حمممد اخذ سيارتي
مبارك : وليش ماعنده سياره
عاليه منغثه : ماتعرف اخوك لازم يغثني
مبارك : اذا جاء اانا اتفاهم معاه وبعدين شفيج معصبه مافيها شيء لي اخذ سيارتج
عاليه : وليش مايخذ سيارتك ولاسيارة احد من اخواني
مبارك زهقق : يبا خلاص عاد ماصار شيء وين بيروح اهو بيهاجر بيردها لج
عاليه زهقت وصعدت فوق (مااتحب احد يستخدم سيارتها حتى السايق ماتخلي يركبها ولا ينظفها من داخل اهي تنظفها من داخل )
بعد 6 اشهر
ردت علاقة ساره بمحمد بس مو نفس قبل مرات تغلا عليه
البنات لاهين بدراستهم
شوق تحسنت وشعرها تحسن بعد علاج دام 3 اشهر

بنص الدوامات
بيوم الخميس اليوم المميز بالكويت ٍsd كانوا متفقين يطلعون كلهم لافنيوز منها يتمشون ويتسووقون
شيخه كانت من 5 المغرب موجوده بيت حصه تنطر البنات يخلصون
ومحمد قاعد ينطرهم
مبارك يصارخ : يالله ي بنات حشي لو رايحين عرسس
حمد نزل : السلام
الكل : وعليكم السلام
محمد : هاه مو طالع معانا
حمد : لا بطلع مع ربي الشاليه يلا مع السلامه
الكل : مع السلامه
بيت شيخه
حصه تحن علا شوق تطلع معاهم
شوق : خالتي الله يخليج مابي اطلع تكفين
حصه :اي ليش عاد ي يماه لاتضايقيني وامشي معاي وغيري جو بدال حقرتج بالبيت
شوق واهي ماتبي تشوف البنات ولا محمد من اخخر موقف صار بشاليه واهي ماشافته ولا تبي تشوفه
حصه : ي الله عاد حبيبتي انتي
شوق : ان شاءالله
صعدت غرفتها تبدل لبست لقنز عنابي مع فلات اسود قميص اسود حرير لنص الفخد شوي مخصر والجم ثلاث تربع وعليه احزام ضعييف ذهبي علا الخصر مسويه شعرها عجفه فرنسيه وعلا جنب مخليته ورشت عطر من اف سان لوران القديم مو الجديد (تحبه )
وطلعت مع خالتها
وراحوا بيت منيره لان البيت قبال البيت
بس وصلت عند البيت حست بماغص وبطنها يعورها وتوترت حيييل انتبهت لها حصه واهي ماتدري شنو اللي صار بشاليه عبالها شعر شوق يطيح من نقص الفيتامينات والكالسيوم وان معاها نقص حاااد مثل ماقال مبارك ولانه حصه قليل اتشوفها " من كبرت شوق واهي قليل اتشوفها وماتقدر تنام عندها مثل قبل عشان ولدها ناصر مهما كان رجال
حصه: شفيج ؟؟
شوق : هاه لاو لا شيء بس خالتي تكفين لاتهديني خليج معاي الله يخليج
حصه : ماراح اهدج معاج يمه
****
اما البنات كل وحده بغرفتها هيا لابسه ثوب اخضر غامج قطن وعليه حزام ذهبي حديد علا الخصر ولا بس جاكيت قطن اسود لنص الظهر والجم ثلاث تربع ومسويه شعرها بف خفييف وكبه ورابطتها بفيونكه خضره ولابسه صندل كعب لونه اسود من دبنهامز وجنطتها ايكاروس اسود بذهبي ومكياجها فونديشن برونزي وايلاينر ومسكاره ريميل البرتقاليه والحمره ورديه ديور ورشت عطر كوكو شانيل
شهد تنوره عنابيه طويله حرير توصل لي الحوض وقميص شيفون مقلم ابيض باسود بلوزه داخليه لونها اسود علاق وفلات من زارا اسود فلت شعرها وسوته فرقه من جدام واطرافه ويفي لنص الظهر يوصل وجنطتها كارولين هريرا اسود عطرها اسكادامكياجها فونديش طبيعي مسكره تايقر اتش ار و كحل داخل العين وحمره عنابيه من تايقر اتش ار
عاليه عبايه جاينيز اطراف الايدين محدده بالازرق وملفع وجنطتها من مايكل كروس ازرق غامج ولابس كعب من دبنهامز اسود ومكياجها فونديشن مايل لبرونزي وايلاينر وحمره مشمشيه ديور وعطره من قوتشي
نزلوا البنات بدخلت حصه وشوق
هيا بهمس :وييييييع ان شاءالله بتطلع معانا هذي
شهد : قطيعه شكله الطق اللي اكلته مانفع معاها
عاليه: تكفين يرحم والديج مو ناقصه مبارك ماصدقت رضا علينا
شوق اول مادخلت حست انها شخص غير مرغوب فيه الكل يطالعها بنظره غير عن الثاني
مسكت ايد حصه مخترعه وماتجرأت تحط عينها بعينهم
مبارك : شلونج ؟؟ شوق عاش من شافج
محممد بهمممس: قصدك مات من شافج
شوق بصوت اقرب للهمس : زينه
شيخه : بالعدال يمه مو ماكلينج ترى
دلال : قال عاش من شافج ماتعرفين تردين ؟؟
محمد : لاتلومينها منو يقعد معاها هذي واهي شتعرف تقول ولا تكلم هههههه
الكل ضحك ماعدا مبارك وحصه و منيره
الابنزلت فهد واهله وعزيز واهله
شوق تطالع خالتها بنظره تكلمها بهمس : تكفين خالتي ابي ارجع
حصه ماتبي تهدها بالبيت بروحها : لا يمه لاتخافين انا معاج
مبارك: يالله مشينا هذا خالد عند الباب مع اهله
وطلعوا وصلو الافنيوز وكان زححمه مثل كل ويك اند لازم زحمه كانو بيدشون فلم بس الطابور واصل لي قهوة ستار بوكس يعني املك تدخل
عاليه : اووو بدش فلم محمد سعد شهالحظ الخايس
محمد بينرفزها : عاد فلمه تنح خوووش فلم عججيب
عاليه : لو رحنا برج الحمرا مو احسن
مبارك: خلاص محمد لاترفع ضغطها انا اوديكم باجر سينما شرق شتبون فاضيه مو نفس اهني
هيا وشهد : لاا نبي برج الحمرا مالنا شغل
محمد يططنزز ويقلد صوتهم : نبي برج الحمرا مالن ششقل
هيا : محممممممم د
محمد : قصري صوتج فضحتينا مو بالبيت انتي
مبارك : بس عاد جهال انتوا وانتا ي بو الثلاثين كبرر عقللك شوي
خواته : هههههههه
محمد يطالعهم بنص عين : ماششي يصير خير انا اعلمكم
عند ساره كانت قريبه من محمد وعينها عليه
ومحمد كل شوي يلف ويبتسم لها جدام ساره شوق وحصه وشوق عبالها انه محمد يبتسم لها اول مره شكت بنفسها ونزلت راسها ثاني مره انحرجت ثالث مره ابتسمت له بحيا
محمد لما لف اول مره قصده بساره بيشوفها بس لما لاحظ احراج شوق درى انها فهمت غلط وقام يتليعن معاها !!
المهم قالووا البنات يبون يتسوقون شوي وبما انهم مع مبارك عطاهم بس ساعه لشوبنق xd عصبوا البنات وقالهم تبون ولا مافي رضوا فاللي راح ملاك وخواتها بدبنهامز مبارك وعزيز وفهد راحوا يودون خلود و ومبارك الصغير وخالد ولد فهد بروي يدخلونهم داخل مع الخدامه
منيره وحصه وشيخه وشوق دخلوا طرف الاغر لساعات
ابرار وخواتها دخلوا ريفر لاند ومحمد كان برى دبنهامز صوب العطور وعينه علا سساره اللي راحت ريفر لاند
وكل شوي يغثى واحد من اللي يشتغلون
شوف العطر هذا && هذا تو نازل جديد & هذا مسوين عليه خصم & هذ ا العطر يطلبونه ناس واجد واخر احبه انصحك فيه &اخذ العطر هذا مع للوشن ماله عجيب &
محمد من كثر مايقرقون فوق راسه شرى عطر 212 رجاللي ولما حاسبةطلع ضيع ساره
دق عليها
محمد : وينج ؟؟
ساره : كاني اشوفك
محمد : وين ؟ واهو يتلفت يدورها
ساره ببتسامه : وراك صوب اف سان لوران
لف محمد وشافها علا طول راح لها
محمد : هلا والله
ساره : هلا فيك
انتبه المره اللي تخزززززه خززز ناقده عليه
محمد يعلي صوته : هلا بنت خالتي وين خالتي ماشوفها (يعني افهمي لوووول )
ساره مافهمت : راحت بستار بوكس دبنهامز
محمد : انزين امشي تعالي
واهما يتمشون ومحمد معرووف بذوقه ذويييق بيرفع ضغط ساره
ساره تسوق لفت نظر محمد ثوب قصير شكله مو حلو يضحك والوانه مو متناسقه
محمد :سارونتي تعالي
ساره : هلا
محمد: شرايج بهاالنفنوف يصلح لج صح
ساره انصدمت من ذوقه : ويييييع شهالذوق الخايس
محمد : بالعكسس يهبببل روحي قايسسيه وتعالي
ساره : انا قالوالي ذوقك حلو مو ذوق ععققد وتحذف النفنوف برف خاف صج بقايسه وييع سديت نفسي
محمد : هههههههههههههههه
.....
عند شيخه ومنيره وحصصه
شيخه شرت ساعة ديور
منيره اقنر
حصه اوميغا الذهبيه
حصه لفت علا شوق: شواقه اشتري لج شي
شوق قاعد عالكرسي : ماعجبني شي خالتي
حصه : مو علا كيفج بتشترين غصبن عنج
شوق : خالتي لو ابي قلت والله مابي (واهي بنفسه اذا امي ماسألتني ابي ولا لاء مستحيل اخلي خالتي تدفع ساعه قيمتها اكثر 500 دينار وامي لاء )
حصه : انزين تعالي شوفي هالساعه


 

 



رد مع اقتباس
قديم 11-15-2013, 09:44 AM   #8
شَـعـلـؤمـة ,!!


الصورة الرمزية ؤحَشتنئ سَؤآليفك,#
ؤحَشتنئ سَؤآليفك,# غير متواجد حالياً

بيانات اضافيه [ + ]
 رقم العضوية : 43220
 تاريخ التسجيل :  Nov 2013
 أخر زيارة : 08-28-2014 (04:51 AM)
 المشاركات : 44 [ + ]
 التقييم :  10
لوني المفضل : Cadetblue
افتراضي



البارت 7

شوق : خالتي الله ي خليج لاتزعليني منج وتجبريني مابي والله
حصه سكتت وتضايقت حيلل مو عاجبه وضع شوق واهمال امها فيها من انولدت
دق تلفون شوق عذاري رفيجتها تقدرون تقولون مصللحه مصاحبه شوق عشان مبارك !!!!!!
عذاري : عمرها 19 سنه معجبه بمبارك وتدري انه مايعطيها وجهه من غير ماتجرب وثقيل ووهذا اللي عاجبها فيه انه مو راعي هالسوالف طولها 165 وزنها 64 يعني جسمها خيالل حلوه نعومه عيونها متوسطه وخشمه صغير حاطه خزامه بخشمها شعرها لي كتفها اسود بس صابغته عسلي برمادي وعذاري من النوع اللي تهتم بنفسها حييل مايمر شهرين الا عند دكتورها ماتروح الا لماجد التقي :") يسوي لها عنايه ونظاره لبشرتها وبشرتها حيويه وتشع نظاره وعندها غمازه بخدها اليسار بس ماتبين الا لي ضحكت وكرستال بضرسها علا اليمين حركه قديمه اهي بس تحبها فمها صغيررر وحلو طالبه بكلية العلوم الطبيه صار لها سنه وباقي لها سنه ونص وتخلص ووسيارتها لكزس 2013 عنابيه ^^
ايام الثانويه اخر سنه شافت مبارك يتردد علا شوق ياخذها ويجيبها مرات من المدرسه (شوق من كانت صغير كان يعاملها مبارك مثل خواتها حتى اذا سافر يجب صوغه لخواته لازم يجيب لشوق عشان جذي شوق ماترتاح الا معاه وتمني يصير اخوهاا صج )**عذاري ماكانت علاقتها بشوق ذاك زود عادي كانو بنفس الصف بس لما شافت بمبارك عجبها وقامت ترافج شوق وتسأل عنه مرات وشوق علا نياتها تعطيها اخباره (وكانت تابع اخباره بالانستغرام وتويتر وبالاسك وتشوف البنات شلون يتلزقون في واهو حاط صورته بس مو باين علا جنب وكانت تسأله بالاسك ومرات يرد ومرات مايرد وتسأله بدون يوزر نيم وكذا بنت تطلب بنه واهو يرفض مايعطي ومرات يطنش ومرات يستهبل عليهم حسب المزاج cx &
المهم
ردت علا فونها
شوق : الوو
عذاري : هلاا والله شواقه شلونج حبيبتي
شوق باابتسامه : زينه انتي شلونج
عذاري : بخير وينج اسمع صوت ازعاج
شوق : اي طالعين الافنيوز
عذاري : مع منو
شوق: كل العايله
عذاري وقلبها يرقع تمنى تسمع اسمه: منو ؟؟
شوق : خالاتي وامي والبنات كلهم ومبارك واخوانه وولد خالتي حصه ناصر وواخته وزوج...
قاطعتها عذاري : بس بس بس خلاص انزين دام اني بالافنيو ابي اشوفج شرايج (قصدها شيء ثاني ) (واهي اصلا بيتها بعبدالله مبارك فا قريب من الافنيو واهي بالبيت بس كل هذا عشان عين السسيح بتشوفه xd )
شوق :مادري اخاف امي ماترضى
عذاري زهقت : اي كلميها وشوفي
شوق : خلاص اوك ارد لج خبر
حصه تنادي شوق عشان بيطلعون
وراحو ستار بوكس اللي بدبنهامز بالدور ثاني فوق اهم بدور الثاني يتمشون رايحين ستار بكس ولاوقفها صوت بنتها لفت عليها
شوق بخوف : ي ماه
شيخه لفت عليها وقربت منها ومسكت زندها بطرييقه مو حلوه كلش ولاتصلح بمكان عام وترص علا اسنانها : انا جم مره اقولج مابي اسمع صوتج ماتفهمين (وتهز بنتها ) تفهمين ولا لاء
وكانو قبال سلم المتحرك بس بعيد شوي صوب الاثاث
الا بصعدت مبارك وعزيز وفهد (عزيز تضايق ومايحب يشوف شوق تهزئ وخصوصا انه المكان مايسمح وفهد عادي متعود يشوفها جذي فاراح صوب اهله ووعزيز لف بسرعه راح يطلب قهوه وهو متضايق من تصرف خالته
مبارك ماتحمل يشوفها جذي راح لهم
مبارك وهوا يمسك شوق ويوخرها عن خالته : خالتي احنا بمكان عام
شيخه : فهم هالبقره اللي فضحتني وراحت
شوق دموع متجمعه بعيونها وجهه احممممر من الاحررراج موقف لا يحسد عليه خصوصا انه مروا رجال وزوجته ويطالعونهم بستغراب انه بنت كبير امها تزفها بمكان عام وشييء غريب و صوتها كان شوي عالي
مبارك لف عليها ومسك ايداها وراحوا صوب الملابس رجاليه مافيها احد فاضي كان وماسكها بزاويه : انتي شقايله ؟؟
شوق ودموعه تنزل : والله ماقلت شيء بس قلت يماه وقامت تشاهق
مبارك مسح دموعها ولمها :خلاص هدي لاتبجين انتي بمكان عام وليش تكلمينها واذا تبين شيء تعالي لي ولا امي او خالتي حصه
شوق وخرت ومسحت بقايا دموعها : ان شاءالله
مبارك : خاطرج بشيء تبين تشترين شيء ؟
شوق بضيقه : لاءء
مبارك : شكنتي تبين من خالتي شيخه
شوق : كنت ابي اقولها رفيجتي اهني بالافنيوز تبي تشوفني وانا من تخرجت من الثانويه ماشفتها
مبارك : بسس خلاص قولي لها انج انتي ب كولومبس كافيه اللي فوق وانا اوديج لها
شوق : لا خلاص ماله داعي ماقدر اشوفها وجهي جذي
ولا دق تلفونها عذراي
شوق : الو
عذاري : وينج ؟؟ انا بالافنيو
شوق : ماقدر اشوفج خلاص
عذاري عصبت بس مسكت نفسها : ليش انا مشتاقة لج يالله عاد تكفين
شوق شافت مبارك يأشر لها يقوللها بهمس قولي لها تروح كولومبس كافيه وانا اوديج
شوق قالت لها واتفقوا
شوق بهمس : ابي اروح الحمام اغسل وجهي
مبارك : يالله امشي
لف ولا محمد وساره بوجهه وكان ياخذ راي ساره بتي شيرت وشاف مبارك ومعاها شوق واضح انها باجبيه
محمد : هاه شفيهم بعض الناس
مبارك : مافي شيء (ويخززه ي عني لاتكلم ونظرته مبارك لي خزز تخخررع يتصروع اللي جدامه بس محمد يعني انا البطل ما اخاف ولا خايف منه )
شوق مافهمت نقززته
مبارك : يالله شوق
محمد : علا وين ؟؟
مبارك: تبي شيء
محمد : مجرد سؤال ؟؟ قلت يمكن شوق بتشتري شيء ومستحيه منا وماتاخذ راحتها الا معاك قلت اعطيها من ذوقي لانه واضح ذوقها مرررض
مبارك بحده : انته شفيك ؟لا مشكورر مو محتاجين خدامتك وفرها لنفسك وعن الفلسفه (وسحب شوق وطلع)



بعد ماطلعت من الحمام ومبارك ينطرها : هاه يالله


شوق : يالله


بعد فتره واهم ييمشون


شوق بتوتر ومترردده وبهمس : مبارك لبسي في شيء مو حلو ؟


مبارك بقلبه حسبي الله علاعدوك ي محمد لعوزت البنت :لا يبا مافي شي حلوو يهبلل ويبتسم لها


ابتسمت شوق ونزلت راسها


وصلو كولومبس كافيه وكانوا قاعدين برى يشوفون الرايح واللي راد


مبارك : تبين تشربين شيء


شوق : لا ء مو مشتهيه



بعد دقيقتين دقت عذاري وكان مبارك توه وصل وقعد بالكرسي (راح يطلب له قهوه وجاب لشوق معاه )


شوق : هلا عذاري


عذاري : هاه وينج انا موجوده بالكافي


شوق لفت تدورها : احنا برى قاعدين


عذاري استغربت منو اللي احنا برى ؟؟ : انتي منو معاه


شوق :مبارك


عذاري قلبه قام يرقصص من الخوف ولوناسه ماتوقعت كلللش انه يشوفها توقعت انها اهي اللي تشوفه وبسس


مبارك قاعد يشرب قهوته


عذاري حست برهبه : وآآي فشله


شوق : انزين تعالي وانااشوفج اجيج


عذاري مسستحيه مووت : اوكي


عذاري كانت لابسه


تنور قطن تايقر لي فوق الحوض بشوي توصل وبلوزه سوده سترج جمها طويل وفوقه قميص شيفوون اسود شوي ضيقج ولابسه ملفع اسود شيفون لافته عدل لفه ذربه وحلوه ومحترممه ولابسه سكارف تايقر متوسط لافته علا رقبتها وموسعته فوندشينها مايل لبروزنزي وايلاينر وماسكارة لانكوم وحمره مشمشيه من تايقر اتش ار وعطرها دلتشي اند غافانا فلاتها طبي من الدو اسود جنطتها من قوتشي


وطلعت ومالقتها وقامت تلفت (اهي اذا استحت وتوترت *ترتبك حيل واصابعها تبرد وماتركزز عدل وماتعرف شلون تمشي لوول )



وقامت تمشي وتلفت وتحس ارجولها مو شايلينها من االربكه واهي تلفت مرت من جنب طاولة شوق شوي كانت قريبه منها واهي تلفت يمين ويسار ما انتبهت لشوق


سمعت صوت شوق : عذاريي


ولفت اول مالفت مبارك واهي فيس تو فيس انصدمت واستحت حييل وكان قريب منها ارجعت شوي ولا تصدم بمره


وباين عليها من طريقة ملفعها ومشيتها انه عوبه


عذراي انقزت ولفت : اسفه ماشفتج


المره بصاررخ: عمممممى بعيينج ماتشوفين انتي عميه عميه


مبارك قام وقف: خلاص اختي توكلي الله ماصار شيء ليش تكبرينها


شوق اخترعت من المره


عذاري لما وقف مبارك صار اقرب جان بسرعه تروح صوب شوق


المره بطوالت لسان : انزين خلااص بس فضحتنا .


مبارك بقق عيونه: شنوووو


المره ماتشوفون الا غبرتها انحاشت


شوق وعذاري ضحححكوووا عليها


مبارك : اهم شيء فضحتنا شهالحريم هذيل ماوراهم والي


عذاري استحت واسكتت


شوق ليلحين تضححك


مبارك :اشوف اعجبتج السالفه شوقو ماشي


شوق : ههههه لا والله موعليك علا كلمتها فضحتنا ووقامت تضحك بعدين احترمت نفسها واسكتت سوري


مبارك با بتسامه : لا عادي خو تمونين ما اقولج شيء يالله انا ماشي


شوق : اوكي


مبارك : لي خلصتي دقي علي اوكي


شوق: اوكيه


وطالع برفيجتها ونوعه مبارك عادي جرريئئ وقالها: امشي عدل ولاتدعمين بالعالم ولاتحوشج وحده نفس ام السان هذي


عذاري انصدمت وبققت عيونها عليه


مبارك ماسك نفسه لا يضحك وطالع فيها وابتسم وراح


شوق : ههههههه


عذاري تنحت : هذا يقصد منو


شوق : مادري هههههه


عذاري : شوقو جب زين


شوق : غصبن عني ماشفتي شكلج يضحك


عذاري تقعد مكان مبارك واهي ماودها تقوم انه كان قاعد فيه


وقعدوا يسولفون وبعدها راحو تمشوا شوي





صوب فرايدز وطقته كانوا كلهم يتمشون بس مقسمين مجموعات


محمد شاف مبارك وتلفت يدور شوق ومالقها استغرب راح له : هاه وين السعلووه ماشوفها معاك


مبارك ماسك اعصابه تل اخو من زنده (جنه بيساسره ) بهمس واهو يرص علا اسنانه : اككككل تبن


محمد وخر عنه وتنحنح : احححم ااحم ويعدل اسديري ماله لابسه فوق التي شيرت


ناصر : شفيكم ؟


محمد : لا ولا شيء سلامتك


خالد قرب من مبارك وقام يسولف معاه


خالد : اقول وين تبون تعشون


مبارك : والله مادري ع ن الاميرات لازم اهم يختارون ولا يضربون عن الاكل


خالد : ههههه


محمد وناصر وعبدالله مع بعض سطره وحده يتمشون


ناصر : اقول شباب امشوا نتعشى ب نينو


عبدالله : خل نشوف الاهل


ناصر : لا يبا مانبيهم بس حنا حق الفضايح نجيبهم معانا


محمد : اي يالله مشينا


محمد لف علا مبارك : مبارك ترى رايحين نتعشى بنينو


مبارك لف عليهم: خلاص ماشي نتلاقى بالمصافط


محمد: اوكي


محمد وناصر وعبدالله جنب بعض يمشون طبعا اهم مجسمين وكل واحد ماخذ مساحه ومروا من ممر ضييج حيل ناصر : وخررو عني فقصتوني


محمد : اكل تبن بسس


ويمشي جدامهم محمد وناصر وعبدالله جنب بعض والممر صاير عكس السير اذا مرر واحد بوجهه محمد وقف محمد ويوقف رجال بعدين يوخرون وهذي سالفتهم


ناصر مات من ضحك


صارت مره ثاني


عبدالله علق : طاطاطاآآآآآط


الرجال ضحك وخر وراح وومحمد لف علا عبدالله ويخزز


عبدالله : ي عمي طير انتا ووعيونك لا بطهم لك الحين


ناصر : هههههههه


عبدالله : ي عني انا مبارك علاغفله


ولا تجي لفه تودي للممر ثاني قطع ولف محمد


عبالله يناديه : تــــعـــال بوحميد


ناصر : ههههههه زعلااان


عبدالله يستهبل وجنه بيبجي : والله ماعيدها والله ماعيدها


وناصر : كآآآآآآآآآآآآآآآآآآآآآآآآآآآآآآآآآآآآآآآآآآآآآك


محمد يأشر بيده وطنشهم ومشى


طبعا تلاقوا بنينو محمد واقف عند باب المطعم جنه حارس وعبدالله يضحك ويغمز حق محمد : اموووت بزعلانن انا


اوبنفس الوقت اللي عبدالله قال كلمته كان في بنتين رايحين جوكلت بار ( وجوكلت بار قباله نينو ) واهي البنت عبالها يقصدها وتطالع في من فوق لي تحت وتخزز ه (ي عني شتبي ) و ولفت تبي تدخل


ولا ناصر ي علي صوته :: رووووووووووووووووووح ي صيده


عبدالله : ههههههههههههههههههههههههههه هذي منو داس علا عصعصها


ناصر : مسكينه متعقده نفسيا عبالها كل الناس تفكر فيها خخخخ


محمد : كآآآآآآك


ودخلو نينو


عند البنات


ملاك : هاه وين تبون ؟


عاليه : ابي فرايديز


ابرار: بنحاسه ابي رايس


شهد وهيا : ووييع امشو فرايديز احلا


ابرار : مالي شغل ابي رايس ( واهي ماجربته اصلا بس لانه تدري حمواتها مايحبونه بس تعاند )


وصوتهم كان عالي شوي جنهم يتهاوشون علا قضيه


عزيز قرب صوبهم : شفيكم انتوا فضحتونا


ابرار بدلع مااااااااصصصخخخ مو لايق : شووفهم ابي رايس يعاندوني ويقولون لي غصبن عنج بتروحين معانا فرايديز


عاليه بققت عيونها : جذذآآآآآآآآآآآآآآآآآآآآآآآآآآآآآآآآآآآبه


شهد وتحط اصابعها على خدها يعني جذابه : يمه يمه يمه منج


هيا : عزوز لاتصدقها


عزيز لاعت جبده :بس عاد يا لله مو قاعدين بالبيت انتوا


اسكتوا خواته


ابرار : وااي شفيك علي عزز يعني انته تعرفني ماجذب


عزيز بقلة صبر : بلا هالسوالف تبين رايس امشي انا اوديجج شعليج من خواتي بيروحون فرايدز ولا لاء كيفهم


اسككتت ابرار


خواته ضحكو بصوت خفيف


خززهم عزيز واسكتوا


عند مبارك شاف شوق طولت دق عليها


شوق : هلا مبارك


مبارك : وينج طولتي يبا بنتعشى وانتي ليلحين


شوق تطالع عذراي : دقيقه مبارك


شوق : عذاري تبين تعشين انتي


عذاري :لا مو مشتهيه


شوق كلمت مبارك : مابي عشا


مبارك : شنو ماتبين مو علا كيفج لازم تاكلين انا عرفت من خالتي حصه انج ماتغديتي ولا تريقتي


شوق : مو مشتهيه والله ( واهي بقلبها ماتبي تشوف البنات )


عذاري : شووقه روحي تعشي شعليج مني انا كا ابوي دق يبيني ارجع البيت


مبارك : انا جايج انتي وينج


شوق (ما كانت تطلع واجد من البيت قليله طلعاتها فا ماتعرف اهم وين وسألت عذاري ): لحظه مبارك ( وتكلم عذاري ) احنا وين عذاري


عذاري : قولي له بتوسعه القديمه اللي صوب ايكيا


شوق قالت له بس مبارك حب يتليعن شوي وقال : شلون ما فهمت شكو ايكيا ماله شغل بالافنيو انتي منو قالج


شوق :عذاري


عذاري كانت تطقطق بالفون وانصدمت لما قالت اسمها عند مبارك اسسستحت


ماحست الا شوق ماده لها التلفون : هاج مبارك بيكلمج عشان توصفين له


عذاري جنه احد كت عليها ماي بارد تححسفت قد شعر راسها انها راحت الافنيوز : هاه شقوله


مبارك يسمع ويضضحك اهو فاهم بس يتغيبى بس جذي


شوق براءة : شفيج بس يبي يعرف احنا وين ؟؟!



عذاري اخذت الفون وكلمت ويالله يطلع الصووت : اللو


مبارك استانس وقام يستهبل: الو منو ؟


عذاري بحرراج : انا رفيجة شوق


مبارك : ادري رفيجتها الاسم الكريم


عذاري انقهرت وهذاللي مايعطي وجهه ومدقر البنات مواقع التواصل الاجتماعي وبحده : شتبي بأسمي انته مو تبي تعرف احنا وين (نست نفسها )


مبارك بقلبه وووووول عليها لسان : عدل شلون اكلمج وانا ما اعرف اسمج عذاري


عذاري حست يستهبل : احنا صوب توسعه القديمه عند ايكيا


مبارك بعبط : يعني برى


عذاري : لاا


مبارك : هاه شلون


عذاري ززهقت واننحرجت منه : شفت المواقف اللي مالت ايكيا


مبارك مستانس : اي


عذاري تشرح له : الباب اللي جدام المواقف مالت ايكيا احنا صوب المصعد داخل

ماحست الا بصوت وراها وقريببب منهم حيل



 

 



رد مع اقتباس
إضافة رد
تحذييييييير .,’

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG]متاحة
كود HTML معطلة

Forum Jump

المواضيع المتشابهه
الموضوع كاتب الموضوع المنتدى مشاركات آخر مشاركة
انشروا سنن الحبيب صلى الله عليه وسلم وردوا على الافتراءات الكاذبة ابوعلى سيرة الحبيب المصطفي عليه الصلاة والسلام 15 01-24-2015 08:54 PM
الانحراف الفكري قلة الفقه في دين الله سآهر القسم الاسلامي 36 09-11-2013 02:22 AM
الطريق الي حسن الخاتمه SųłṰαη Ầłgяαм❤ القسم الاسلامي 42 09-08-2013 10:11 PM
أيها الأزواج رفقاً بالنساء سآهر سيرة الحبيب المصطفي عليه الصلاة والسلام 24 07-25-2013 06:25 AM


الساعة الآن 11:02 PM


Powered by vBulletin® Copyright ©2000 - 2017, Jelsoft Enterprises Ltd

  للحب لمسه

Ads Management Version 3.0.1 by Saeed Al-Atwi

HêĽм √ 3.2 OPS BY: ! ωαнαм ! © 2010